ادارہ وحدت المکاتب سرینگر کے زیر انتظام سیرتی کوئز انعامی تقریب کا انعقاد

سرینگر//ادارہ وحدت المکاتب سرینگر کی زیر نگرانی سیرتی کوئز مقابلہ برائے وادیِ کشمیر کے نو خوش نصیب پوزیشن ہولڈرز کے لیے اہم اور مختصر انعامی تقریب کا انعقاد کیا گیا جس کی صدارت جامعہ اشرف العلوم حیدر پورہ سرینگر کے بانی ومہتمم مولانا یعقوب اشرف رشیدی صاحب نے کی -کشمیر پریس سروس کے مطابق موصولہ بیان کے مطابق پروگرام کا آغاز جامعہ کے استاذ تجوید وقرآت کی تلاوت سے ہوا، نعت خوانی کی سعادت یکے از منسلکین جامعہ نے حاصل کی جبکہ نظامت کے فرائض ادارے کے چیرمین مفتی عابد حسین نائیک قاسمی سلمہ نے انجام دیے -اس موقعہ پر ایڈیشنل ڈپٹی کمشنر سرینگر سید حمید کٹاریہ، مولانا حمید اللہ مہتمم دارالعلوم سواء السبیل کھانڈی پورہ کولگام، مفتی عبدالرشید مفتاحی مہتمم دارالعلوم بلالیہ لعل بازار سرینگر، جی این وار صدر پرائیویٹ اسکول ایسوسی ایشن جموں وکشمیر، مولانا شہزاد انوری مہتمم جامعہ امام محمد انورشاہ کشمیری علیہ الرحمہ و چئیرمین ہاکیہ اکیڈمی شہر پونچھ، پروفیسر حمید نسیم رفیع آبادی، اسکالر ڈاکٹر شکیل احمد شفائی، مفتی سلطان قاسمی سراج العلوم سرینگر، مفتی منظور احمد قاسمی شیخ الحدیث جامعہ اشرف العلوم حیدر پورہ سرینگراور دیگر مقررین نے اپنے گراں قدر تاثرات کا اظہار کرتے ہوئے ادارہ وحدت المکاتب کی تعلیمی و رفاہی خدمات کو سراہا اور نیک خواہشات کا اظہار کیا-تقریب کے اخیر میں سیرتی کوئز مقابلہ برائے وادیِ کشمیر کے اول تا نہم پوزیشن حاصل کرنے والے خوش نصیب مساہمین ومساہمات کو والدین وسرپرستان کی موجودگی میں بصورت چیک انعامات سے نوازا گیا جبکہ اول پوزیشن حاصل کرنے والی مساہمہ شازیہ نثار سلمہا کو عمرہ ٹکٹ سے نوازا گیا – اس پُروقار اور سعید موقعہ پرادارہ وحدت المکاتب تمام امیدواران کو ان کے والدین سمیت مبارک باد پیش کرتا ہے جنہوں نے سیرتی کوئز مقابلہ برائے وادیِ کشمیر میں پوزیشن حاصل کیں – واضح رہے کہ اس موقع پر اہالیان سرینگر اور علمائے کرام کی مخصوص تعداد شریک پروگرام رہی – مجلس کا اختتام مولانا حمید اللہ صاحب مدظلہ کی دعا پر ہوا –