احسان فاؤنڈیشن جموں و کشمیر کی جانب سے درگاہ حضرت بل میں زائرین کیلئے کیمپ کا اہتمام

سری نگر//عید میلاد النبی ﷺکے موقعہ پر احسان فاؤنڈیشن جموں و کشمیر کی جانب سے درگاہ حضرت بل میں زائرین کیلئے کیمپ کا اہتمام کیا گیا۔فاؤنڈیشن سے وابستہ رضاکار کیمپ پر حاضر رہے اور ہزاروں زائرین کے تئیں اپنی بے لوث خدمات پیش پیش رکھیں۔ تفصیلات کے مطابق احسان فاؤنڈیشن جموں و کشمیر نے درگاہ حضرت بل میں زائرین کیلئے حسب دستور امسال بھی عید میلاد النبی ﷺکے موقعہ پر کیمپ لگاکر دن بھر زائرین کیلئے مشروبات اور پانی مہیا رکھا۔ اپنی بے لوث خدمات بہم رکھنے میں وادی کے نامور سماجی کارکن اور احسان فاؤنڈیشن کے چیرمین راہی ریاض، اشفاق حسین ،شفات راہی، زینت راہی، سیرت، صدف یوسف حفیظہ سلیم جعفر احسان راہی اور ارشد حسین کے علاوہ دیگر کئی رضاکاروں نے میں شرکت کی اور ہزاروں زائرین کے تئیں اپنی بے لوث خدمات پیش رکھیں۔