پونچھ میں کنٹرول لائن کے قریب پھٹے ہوئے نوٹوں کے ساتھ پاکستانی شہری گرفتار
سرینگر // بی ایس ایف نے جموں کے آر ایس پورہ سیکٹر میں درندازی کی ایک کوشش کو ناکام بناکر بھاری مقدار میں اسلحہ و گولی بارود ضبط کرنے کا دعویٰ کیا ہے ۔ ادھر پونچھ میں سیکورٹی فورسز نے کنٹرول لائن کے قریب پھٹے ہوئے نوٹوں کے ساتھ پاکستانی شہری کو گرفتار کیا ہے ۔ سی این آئی کے مطابق بی ایس ایف نے جموں کے آر ایس پورا سیکٹر میں بین الاقوامی سرحد کے قریب دراندازی کی ایک کوشش کو ناکام بناتے ہوئے بھاری مقدار میں اسلحہ و گولہ بارود ضبط کرنے کا دعویٰ کیا ہے ۔ بی ایس ایف ترجمان کے مطابق چوکس بی ایس ایف اہلکاروں نے آر ایس پورہ سیکٹر میں بین الاقوامی سرحد کے ساتھ ہتھیاروں اور گولہ بارود کا ایک بڑا ذخیرہ برآمد کرتے ہوئے دراندازی کی کوشش کو ناکام بنایا۔ انہوں نے کہا ’’ 21اور 22ستمبر کی درمیانی رات میںچوکس بی ایس ایف کے دستوں نے مشکوک نقل و حرکت دیکھی، جہاں آر ایس پورہ سرحدی علاقے میں ایک گھسنے والے کو بی ایس ایف کی باڑ کے قریب آتے دیکھا گیا‘‘ ۔انہوں نے کہا کہ انہیں بی ایس ایف نے للکارا جس کے بعد وہ واپس چلیں گے اور صبح جونہی روشنی پہلی کرن چھا گئی تو وہاں تلاشی آپریشن کے دوران 2 پستول، 4 رسالے، 9 ملی میٹر گولہ بارود کے 20 راؤنڈ، ایک AK47رائفل؛ 2 میگزین؛ گولہ بارود کے 17 راؤنڈبر آمد کر لئے گئے ۔ انہوں نے کہا کہ علاقے میں تلاشی آپریشن جاری ہے ۔ ادھر فوج نے اتوار کو پونچھ ضلع میں 35 سالہ پاکستانی شہری کو 1800 روپے کے علاوہ 10 روپے کے پھٹے ہوئے نوٹ سمیت گرفتار کیا۔ دفاعی ترجمان کے مطابق کنٹرول لائن کے قریب پونچھ سیکٹر میں پاکستانی شہری کی گرفتارہوئی جس کی شناخت حسام شہزاد ولد شہزاد احمد خان ساکن ٹیٹرینیٹ پاکستان کے طور پر ہوئی ۔ انہوں نے مزید بتایا کہ اس کی تلاشی لینے پر 1800 روپے کی پاکستانی کرنسی اور 10 روپے کا ایک پھٹا ہوا نوٹ برآمد ہوا۔اس کے علاوہ اس کے بٹوے سے پاکستان نیشنل آئی کارڈ کی فوٹو کاپی اور دو موب سمز، ایک چابی ملی تاہم ان کا کہنا تھا کہ اس کے قبضے سے کوئی اسلحہ وغیرہ برآمد نہیں ہوا۔
