پیرس: شام میں سیاسی منتقلی کی حمایت کیلئے پیرس میں جمعرات کو شروع بین الاقوامی کانفرنس کے آغاز کے بعد فرانسیسی صدر ایمانوئل میکرون نے اعلان کیا ہے کہ ان کا ملک استحکام کے حصول کیلئے شام میں عبوری حکام کی حمایت کیلئے تیار ہے۔انہوں نے مزید کہا کہ سیریئن ڈیموکریٹک فورسز فورسز نے داعش کو شکست دینے میں مدد کی اور ہم انہیں شامی فوج میں ضم کرنے کی ضرورت پر زور دیتے رہیں گے۔ انہوں نے یہ بھی اعلان کیا کہ وہ شامی پناہ گزینوں کو اپنے ملک کا سفر کرنے اور فرانس واپس جانے کی اجازت د ی جائیگی۔انہوں نے کہا کہ ایرانی ملیشیا کو شام واپس جانے کی اجازت نہیں دی جانی چاہیے۔ انہوں نے اعلان کیا کہ وہ جلد ہی پیرس میں شامی صدر احمد الشرع کا استقبال کریں گے۔یہ بات فرانس کے وزیر خارجہ ڑاں نوئل بیروٹ کی اس تصدیق کے بعد سامنے آئی ہے کہ پیرس عبوری انصاف کے حصول کیلئے دمشق کی ضرورت کو پورا کرنے کیلئے تیار ہے۔ انہوں نے مزید کہا کہ ان کا ملک مجاز اداروں کے ذریعے ضروری انسانی امداد کو محفوظ بنانے کیلئے کام کرنے کیلئے تیار ہے۔ انہوں نے یہ بھی کہا کہ شام پر سے پابندیاں اٹھانے سے امداد کے بہاؤ میں مدد ملے گی۔ بدلے میں شام کیلئے اقوام متحدہ کے ایلچی گیئر پیڈرسن نے کہا ہے کہ بین الاقوامی برادری کو شام کو ضروری امداد فراہم کرنی چاہیے۔ جہاں تک اسپین کا تعلق ہے اس کے وزیر خارجہ جوز مینوئل البریز نے اعلان کیا ہے کہ ان کا ملک شام کے ساتھ ساتھ خطے کے استحکام کیلئے پرعزم ہے۔ انہوں نے شام کی خودمختاری اور سلامتی پر قائم رہنے کی ضرورت پر بھی زور دیا۔
اسی تناظر میں شام کے وزیر خارجہ اسعد الشیبانی نے پیرس میں اپنے فرانسیسی ہم منصب سے ملاقات کی۔ شامی وزیر نے پیرس میں شامی امور پر کام کرنے والے شامی انسانی حقوق کے کارکنوں سے بھی ملاقات کی۔سعودی وزارت خارجہ نے اطلاع دی ہے کہ وزیر خارجہ شہزادہ فیصل بن فرحان نے فرانسیسی وزیر خارجہ بیروٹ سے ملاقات کی، اور ملاقات کے دوران دونوں ملکوں کے درمیان تعلقات اور انہیں مختلف شعبوں میں مضبوط بنانے کے طریقوں کا جائزہ لیا گیا۔فریقین نے علاقائی صورتحال اور خطے بالخصوص شام میں سلامتی اور امن کے حصول کیلئے کی جانے والی کوششوں پر بھی تبادلہ خیال کیا۔
آٹھ دسمبر 2024 کو شام میں بشار الاسد حکومت کے خاتمے کے بعد اسی مہینے میں فرانسیسی صدر میکرون نے شام کی مدد کیلئے ایک کانفرنس کے انعقاد کا اعلان کیا تھا۔واضح رہے یہ بیانات پیرس بین الاقوامی کانفرنس کے دوران سامنے آئے، جو بین الاقوامی امداد کو مربوط کرنے کیلئے وقف تھی۔ اس کا پہلا ایڈیشن اردن کے علاقے عقبہ میں اور پیرس میں منعقد ہوا۔ کانفرنس کا مقصد شام میں تین “فوری ضروریات” کا بات کرنا اور حل پیش کرنا ہے۔
