کم عمر ڈرائیونگ سماجی مسئلہ ہے جس پر قابو پانے کیلئے جتماعی ذمہ داری کی ضرورت / ریجنل ٹرانسپورٹ آفیسر کشمیر
سرینگر // ٹینگ پورہ بائی پاس حادثے کے بعد غلطی کے مرتکب والدین کے خلاف دفعہ 199(A)لگانے کی پولیس سے درخواست کی ہے کی بات کرتے ہوئے ریجنل ٹرانسپورٹ آفیسر کشمیر سید شہنواز بخاری نے کہا کہ کم عمر ڈرائیونگ ایک سماجی مسئلہ ہے جس پر قابو پانے کیلئے جتماعی ذمہ داری کی ضرورت ہے۔اسی دوران ایس ایس پی ٹریفک سٹی سرینگر نے والدین سے گزارش کی ہے کہ وہ سکول جانے والے بچوں کو اسکوٹی نہ چلانے دیں۔ سی این آئی کے مطابق سرینگر کے ٹینگ پورہ بائی پاس علاقے میں سڑک کے ایک المناک حادثے میں دو نوجوانوں کی موت کے بعد ریجنل ٹرانسپورٹ آفیسر کشمیر سید شہنواز بخاری نے کہا کہ پولیس کو لکھ کر درخواست کریں گے کہ غفلت برتنے پر والدین کے خلاف دفعہ 199(A)لگائی جائے ۔ بخاری نے کہا کہ دفعہ 199A ایک قابل ادراک جرم ہے جسے اس کی سطح پر شامل نہیں کیا جا سکتا، جس کا مطلب یہ ہے کہ پولیس کو کارروائی کرنی چاہیے۔ انہوں نے غلط والدین کے خلاف دفعہ 199A کا اطلاق کرنے کیلئے پولیس فورس کی اہلیت پر اعتماد کا اظہار کیا۔انہوں نے کہا کہ کم عمر ڈرائیونگ سماجی مسئلہ ہے جس کے روکتھام کیلئے اجتماعی ذمہ داری کی ضرورت ہے۔ انہوں نے کہا’’والدین کیلئے نابالغوں کو گاڑی چلانے کی اجازت دینے کے نتائج کو سمجھنا بہت ضروری ہے‘‘۔بخاری نے کہا کہ ان کا محکمہ ہمیشہ خلاف ورزی کرنے والوں کے خلاف سخت رہا ہے لیکن اس بات پر زور دیا کہ معاشرے کو بھی قانون کی پابندی کرنی چاہیے۔ انہوں نے کہا ’’ایک حادثہ پورے معاشرے کو بیدار کرنے کیلئے کافی ہونا چاہیے‘‘۔ آر ٹی او نے اس بات پر زور دیا کہ والدین کو اپنے بچوں کو ڈرائیونگ سے روکنا چاہیے، غلطی کرنے والے والدین کیلئے چھ ماہ کی قید کی سزا ہیں ۔ دریں اثنا ایس ایس پی ٹریفک سرینگر سٹی مظفر شاہ نے لوگوں پر زور دیا ہے کہ وہ نابالغوں کو گاڑیاں چلانے سے باز رکھیں۔ شاہ نے زور دے کر کہا کہ ٹریفک پولیس خلاف ورزی کرنے والوں کے خلاف سخت کارروائی کرتی ہے، گاڑیاں ضبط کرتی ہے اور کارروائی کرتی ہے۔انہوں نے والدین، اسکول کے اساتذہ اور کوچنگ سینٹر انتظامیہ سے اپیل کی کہ وہ نابالغ طلباء کو گاڑیوں اور اسکوٹر کے استعمال سے منع کریں۔
