سائنس کو معاشرے سے جوڑنا وقت کی ضرورت ہے/پروفیسر ایم اے شاہ
سرینگر//نیشنل انسٹی ٹیوٹ آف ٹیکنالوجی سری نگر اور گورنمنٹ ڈگری کالج بارہمولہ کے باہمی اشتراک سے سیاحتی مقام گلمرگ میں عالمی یوم سائنس (WSD-2024) منایا، جس میں اسکالرز، طلبہ ، سول سوسائٹی کے اراکین، معززین اور سائنس کو معاشرے سے جوڑنے والے نامور مقررین کی ایک خاصی تعداد نے شرکت کی۔یہ پروگرام این آئی ٹی سرینگر کے پروفیسر ایم اے شاہ اور پروفیسر ٹی اے چالکو کے علاوہ جی ڈی سی بارہمولہ سربراہی میں منعقد ہ اس پروگرام میں تقریروں، مباحثوں، انٹرایکٹو سیشنز اور ماہرانہ لیکچرز کی ایک پُرکشش لائن اپ شامل تھی۔پی ایس اے کے صدر جی این وار بھی مہمانان خاص میں شامل تھے ۔کشمیر پریس سروس کے موصولہ تفصیلات کے مطابق پروگرام میں مہمان خصوصی کی حیثیت سے ممبر اسمبلی (ایم ایل اے) گلمرگ فاروق احمد شاہ جو این آئی ٹی سرینگر کے انجینئرنگ طالب علم رہ چکے ہیں ۔انہوں نے عالمی یوم سائنس -2025 کی میزبانی اور اس کی حمایت کا اعلان کیا۔ اپنے ابتدائی کلمات میں انجینئر شاہ نے ایسے پروگراموں کے انعقاد کی اہمیت اور ضرورت پر روشنی ڈالتے ہوئے کہا کہ ایسے پروگرام سائنسی سوچ، اختراع، تجسس اور عوامی بیداری کو فروغ دینے کے باعث بن سکتے ہیں۔ انہوں نے خطے میں سائنس کو فروغ دینے میں قیادت کرنے پر NIT سری نگر کی ستائش کی اور اگلے سال کے جشن کو مزید مؤثر بنانے میں اپنے مکمل تعاون کا یقین دلایا۔ انہوں نے اس بات پر زور دیا کہ سماجی ترقی کے لیے سائنس کے ساتھ منسلک ہونا بہت ضروری ہے، خاص طور پر ماحولیاتی تبدیلی، توانائی کے بحران، پانی اور تکنیکی ترقی جیسے مقامی اور عالمی مسائل سے نمٹنے کے لیے سائنس سے منسلک ہوناناگزیر بن گیا ہے۔معززین کی موجودگی جس میں ایچ او ڈی فزکس، جی ڈی سی ٹنگمرگ پروفیسر میر حمیدہ، چیئرپرسن سالویٹران انٹ اسکول حیا ترمبو، پرائیویٹ اسکولز ایسوسی ایشن کے صدرجی این وار،، پرنسپل ایچ ایس ایس ہریل، مقامی سول سوسائٹی سے فاروق احمد لون اور ان کی ٹیم، ڈاکٹر بی اے شاہ، گوہراحمد، محکمہ تعلیم کے غلام محی الدین اور جے کے ٹی ڈی سی کے مسٹر ملک نے اپنے خیالات کا اظہار کیا ۔ انہوں نے کہا ہے کہ معاشرے کو جن مسائل کا سامنا ہے ان کے بارے میں اجتماعی تحقیقات کے جذبے کو فروغ دینا اور متنوع نقطہ نظر کے لیے باہمی احترام کرنا لازمی ہے۔پروفیسر طارق احمد چالکو نے سائنس کی ابتداء اور ترقی پر ایک متاثر کن لیکچر کے ساتھ جشن کا آغاز کیا۔ انہوں نے تاریخی داستانوں اور ثقافتی فلسفوں بشمول شیو ازم اور شیخ العالم ؒ، ابھینو گپتانند ،لعل دید جیسے ممتاز علماء وشعراء کی تعلیمات کا مطالعہ کرنے کی ضرورت پر زور دیا ان شخصیات نے وادی کشمیر کے فکری اور روحانی ورثے کو نمایاں طور پر متاثر کیا ہے۔ پروفیسر چکلو نے اس بات پربھی زور دیا کہ ان درخشان ستاروں نے تحقیق اور عقلی فکر کی بنیاد رکھی جو آج سائنسی دریافت کی بنیاد ہے۔ پروگرام کے مشیر اور کنوینر پروفیسر ایم اے شاہ نے روزمرہ کی زندگی میں سائنس کی مطابقت اور آنے والے چیلنجوں پر ایک دلکش تقریر کی۔ انہوں نے مختلف عالمی مسائل پر روشنی ڈالی جن میں صحت، توانائی، خوراک، آب و ہوا، صاف پانی، فاقہ کشی اور اس ڈیجیٹل دور میں سیکورٹی شامل ہیں۔ پروفیسر شاہ نے آج کے اخبار میں شائع ہونے والی اپنی تحقیق اور تحریروں کے ذریعے ان اہم مسائل کی طرف توجہ دلانے کے لیے شعبہ فزکس کے اسکالر عاقب رشید شاہ کی خدمات کو خاص طور پر سراہا۔ انہوں نے سائنسی خواندگی کو فروغ دینے کے لیے مشترکہ کوششوں پر زور دیتے ہوئے کہ سائنس حقیقی دنیا کے مسائل کا عملی حل پیش کرتی ہے۔تکنیکی اور مکمل لیکچر نیشنل انسٹی ٹیوٹ آف ٹیکنالوجی سری نگر کے ایک سابق طالب علم اور منیجنگ ڈائریکٹر گرین ٹیکنالوجیز انجینئربشیر احمد ڈارنے دیا،۔موصوف جموں و کشمیر میں سولر سیل روف ٹاپ مشن کی قیادت کرتے ہیںنے خطے کی توانائی کی ضروریات کو پورا کرنے کے لیے شمسی توانائی کے استعمال کی اہمیت کے بارے میں بات کی۔ انہوں نے کاربن فٹ پرنٹس کو کم کرنے اور کم لاگت توانائی کے حل فراہم کرنے میں چھتوں پر شمسی تنصیبات کے فوائد کا خاکہ پیش کیا۔ ان کے خطاب سے سامعین متاثر ہوئے ، خاص طور پر قابل تجدید توانائی کے ذرائع کی بڑھتی ہوئی مانگ کی اہمیت کو بھی اجاگر کیااور مقامی اقدامات اور پائیدار ترقی کو آگے بڑھانے میں سائنس کے کردار کو اجاگر کرتے ہوئے، مسٹر ڈار نے شرکاء کو اپنی کمیونٹیز میں سبز توانائی کے حل کی وکالت کرنے کی ترغیب دی۔اس دوران ایک متاثر کن نوجوان انجینئر جنید احمدنے تقویت بخشی جو دوبارہ NIT سری نگر کے سابق طالب علم ہیں۔انہوں نے کہا کہ اس سنجیدہ نوعیت کے مسئلے کا عوام اور حکومت کو جنگی بنیادوں پر خود جائزہ لینے کی ضرورت ہے۔
