منگل سے دو دن کے دوران کشمیر میں عام طور پر ابر آلود موسم رہنے کا امکان/محکمہ موسمیات
سرینگر / /کشمیر کے بالائی علاقوں میں منگل کو کئی مقامات پر ہلکی برفباری ہوئی اور محکمہ موسمیات نے وادی کے بالائی علاقوں میں ہلکی بارش یا برفباری کے امکان کے ساتھ دو دن تک ابر آلود موسم کی پیش گوئی کی ہے، ۔کشمیر پریس سروس کے موصولہ اطلاعات کے مطابق محکمہ موسمیات نے منگل سے دو دن کے دوران کشمیر میں عام طور پر ابر آلود موسم کی پیش گوئی کی ہے، خاص طور پر شمالی اور وسطی کشمیر کے اونچے علاقوں میں ہلکی بارش/ہلکی برفباری کا امکان ہے۔محکمہ موسمیات نے کہا ہے کہ نومبر کے پہلے ہفتے تک موسم بنیادی طور پر خشک رہنے کا امکان ہے۔دریں اثنا، سری نگر اور وادی بھر کے دیگر موسمی اسٹیشنوں نے موسم کے اس وقت کے لیے نسبتاً گرم راتوں کا تجربہ کیا ۔محکمہ موسمیات کے مطابق سری نگر میں کل رات کم سے کم درجہ حرارت 10.4 ڈگری سیلسیس ریکارڈ کیا گیا جو معمول سے 7.4 ڈگری زیادہ تھا۔انہوں نے کہا کہ موسم کے اس وقت کے لئے وادی میں عام کم سے کم درجہ حرارت میں انحراف 6.3 سے 8.1 ڈگری کے درمیان تھا۔زیادہ سے زیادہ درجہ حرارت بھی گزشتہ چند دنوں کے دوران معمول سے چند ڈگری زیادہ رہا۔
