این آئی ٹی سرینگر میں ٹیچرس سوسائٹی نے وزارت کے اس فیصلے کا کیاخیر مقدم
سرینگر// پروفیسر بنود کمار کنوجیا، ڈائریکٹر این آئی ٹی جالندھر کو این آئی ٹی سرینگر کا اضافی چارج دیا گیا ہے۔ ایک نامور سائنسدان، جو اپنی انتظامی صلاحیتوں کے لیے جانا جاتا ہے، اس ادارے کو اپنی بہترین صلاحیتوں تک لے جائے گا۔کشمیر پریس سروس کے موصولہ تفصیلات پروفیسر بنود نے بدھ کو شمولیت اختیار کی، فیکلٹی کے ساتھ بات چیت کی اور جموں میں ایک سرکاری اسائنمنٹ کے لیے روانہ ہوئے۔ لیکن اپنی غیر موجودگی کے دوران انہوں نے پروفیسر روحی ناز میر، شعبہ کمپیوٹر سائنس اینڈ انجینئرنگ کو انچارج ڈائریکٹر کے لیے نامزد کر کے ایک بہترین انتخاب کیا ہے۔این آئی ٹی ٹیچرس سوسائٹی کے صدر پروفیسر ایم اے شاہ نے اپنے جاری کردہ بیان میں پروفیسر بنود کما کنوجیا کی بطور تعیناتی کے فیصلے کا خیر مقدم کیا اورپروفیسر روحی ناز کو انتظامی امور چلانے کیلئے انچارج مقرر کرنے پر ان کو مبارکباد دیتے ہوئے کہا ہے کہ پروفیسر ناز ایک قابل استاد ہونے کے ساتھ ساتھ ایک ماہر منتظم بھی ہیں، جو اپنے مدبرانہ رویے کے لیے مشہور ہیں۔ انہوں نے کہا ہے کہ پروفیسر روحی نے پروفیسر سہگل کے سنہری دور میں فیکلٹی کی اپ گریڈیشن میں اہم کردار ادا کیا ہے اور انہوں نے کمپیوٹر سائنسز اور انفارمیشن ٹیکنالوجی کے شعبوں کو ہموار کیا تھا اور امید کی جاتی ہے کہ وہ نوجوان فیکلٹی کی اپ گریڈیشن میں اہم کردار ادا کریں گے۔ان کاکہنا ہیکہ یہ پہلا موقع ہے کہ این آئی ٹی سری نگر میں کسی خاتون کو یہ باوقار ذمہ داری دی گئی ہے۔ یہ بات ریکارڈ پر ہے کہ خواتین ہی نے اداروں کے استحکام، ترقی اور طویل مدتی ترقی کو یقینی بنایا ہے۔ پروفیسر کنوجیا نے اپنی غیر موجودگی میں انتظامی امور چلانے کیلئے ایک بہترین انتخاب کیا ہے۔ ہم اس طرح کے بہترین انتخاب کے فیصلے کا خیرمقدم کرتے ہیں اور ادارے کی فلاح و بہبود کے لیے اپنا تعاون جاری رکھیں گے۔
