اسمبلی اِنتخابات 2024 ء میں جموں وکشمیر سویپ دوماہی سوشل میڈیا اِنڈکس میں سرفہرست

سری نگر//جموں و کشمیر دو ماہی سوشل میڈیا اِنڈکس (جولائی۔اگست) میں سرفہرست کارکردگی کا مظاہرہ کرنے والے کے طور پر اُبھرا ہے اور اِس طرح غیر معمولی سوشل میڈیا مصروفیت اور رسائی کی کوششوں کا مظاہرہ کیا ہے۔یہ کامیابی 15 ریاستوں اور یوٹیز کے چیف الیکٹورل افسران (سی ای او) کی سوشل میڈیا ٹیموں کے جمع کردہ ڈیٹا اور اس کے بعد کے تجزیے پر مبنی ہے۔جموں و کشمیر اِس درجہ بندی میں سرفہرست ہے جو ایک انتہائی مؤثر اور متحرک سوشل میڈیا حکمت عملی کو ظاہر کرتا ہے جس نے کامیابی کے ساتھ رائے دہندگان کی بیداری اور کمیونٹی کی شمولیت کو بڑھایا ہے۔اِس خطے نے ٹارگٹیڈ مہمات، صارفین کی جانب سے تیار کردہ مواد (یو جی سی) اور جاری ڈیجیٹل اَقدامات کے امتزاج کے ذریعے دوسروں کے لئے ایک معیار قائم کیا ہے۔جولائی۔اگست کے لئے چار بہترین کارکردگی کا مظاہرہ کرنے والے پنجاب ، اِس کے بعد اوڑیسہ ،ویسٹ بنگال اور تلنگانہ ہیں۔ جموں و کشمیر کی ڈیجیٹل حکمت عملی کلیدی ترجیحات سے مطابقت رکھتی ہے جس میں جاری سپیشل سمری رویژن (ایس ایس آر) اور مختلف اِنتخابی بیداری مہمات شامل ہیں۔الیکشن کمیشن آف اِنڈیا نے کہا کہ یہ ضروری ہے کہ تمام 36 ریاستیں اویوٹیز کمیونٹی کی تعمیر اور اِنتخابی تعلیم کے لئے سوشل میڈیا کو ایک طاقتورذریعے کے طور پر اِستعمال کرنے میں اپنی رفتار جاری رکھیں۔مستقبل کے اِنتخابات سے قبل باقاعدگی سے مہم، یو جی سی کے اَقدامات اور فعال شمولیت اہم رہے گی۔