اودھمپور//جموں وکشمیر سائنس،ٹیکنالوجی اینڈ اِنوویشن کونسل اور محکمہ سائنس او رٹیکنالوجی اودھمپور نے گورنمنٹ ہائیر سکینڈری سکول(جی ایچ ایس ایس) ٹِکری کے اِشتراک سے ’’ دیرپایت کے لئے ایک نیا نقطہ نظر‘‘ کے موضوع پر ایک عظیم الشان سائنس ماڈل ایگزبشن کا اِنعقاد کیا۔ تقریب کے مہمان خصوصی چیف ایجوکیشن آفیسر اودھمپور نریندر موہن سوری نے ایگزبشن کا اِفتتاح کیا۔اِس موقعہ پر جموں و کشمیر سائنس ٹیکنالولوجی اینڈ انوویشن کونسل اودھمپور کی ڈِسٹرکٹ کوآرڈی نیٹر شروتی کھنہ مہمان ذی وقار کی حیثیت سے موجود تھیں۔اِس تقریب کے اِنعقاد کا مقصد نہ صرف سائنسی رویہ کو اُبھارنا تھا بلکہ سائنس اور ٹیکنالوجی میں طلبأ کی دلچسپی کو بڑھانا بھی تھا۔ طالب علموںنے سائنسی تصورات کی تعلیم اور سیکھنے کے لئے جامد اور ورکنگ ماڈل کا مظاہرہ کیا۔نمائش میں سرکاری کے ساتھ ساتھ ٹکری کے نجی اداروں نے بھی شرکت کی۔ پراجیکٹس کو رین واٹر ہارویسٹنگ، سالڈ ویسٹ مینجمنٹ، پلاسٹک ویسٹ مینجمنٹ، توانائی کے متبادل ذرائع وغیرہ کے ذیلی تھیمز کے ساتھ ڈسپلے کیا گیا۔پرنسپل گورنمنٹ ہائیر سکینڈری سکول ٹِکری مونیکا کارلوپیا نے خطبہ اِستقبالیہ پیش کیا۔تقریب کے اِختتام پر بہترین کارکردگی کا مظاہرہ کرنے والے سکولوں میں ٹرافیاں ، نقد اَنعامات اور اَسناد تقسیم کئے گئے ۔ایونٹ کے فاتحین میںگورنمنٹ ہائیر سکینڈری سکول ٹِکریی پہلے، سینک کوآپریٹیوسکول دوسرے اور جی ایم ایس جاکھڑ تیسرے نمبر پر رہے۔ جی ایم ایس منڈ، جی ایم ایس لہنو اور جی ایچ ایس ایس ٹِکری کو کنسولیشن پرائززدیئے گئے۔سینئر لیکچررانیتا شرما نے شکریہ کی تحریک پیش کی۔
