سری نگر//گورنمنٹ کالج آف ایجوکیشن (جی سی او ای) ایم اے روڈ کے آڈیٹوریم میں سسٹمیٹک ووٹرز ایجوکیشن اینڈ پارٹیسی پیشن (ایس وِی اِی اِی پی) مہم کے تحت ایک عظیم الشان مشاعرے کا انعقاد کیا گیا۔ووٹنگ اور جمہوریت کی اہمیت کو فروغ دینے کے مقصد سے منعقد ہونے والی اس تقریب کا اِنعقاد پرنوڈل پرنسپل کشمیر ڈویژن کالجز اور لال چوک حلقہ کے ریٹرننگ آفیسر نے کیا تھا۔اِس موقعہ پرالیکشن اوبزرور چندریش کمار مہمان خصوصی تھے جبکہ پولیس اوبزرور آر سوہاس مہمان ذی وقار کی حیثیت سے موجود تھے ۔اِس موقعہ پرنوڈل آفیسر سویپ (ایس وِی اِی اِی پی) اختر حسین قاضی،میڈیا نوڈل آفیسر برائے سی اِی او آفس جموںوکشمیر سپنا کوتوال، لال چوک حلقہ کے ریٹرننگ آفیسر عامر چودھری، نوڈل آفیسرسویپ اسمبلی حلقہ لال چوک پروفیسر لطیف احمد شاہ اور دیگر افسران بھی موجود تھے۔مشاعرہ کی نظامت کے فرائض ارشدصالح نے اَنجام دی جس میں شہر بھر کے دس کالجوں کے طلبأ اور فیکلٹی ممبران نے شرکت کی۔ دس ممتاز شعرأ نے ووٹنگ اور جمہوریت کے موضوعات پر شاعری کی اور سامعین کو اَپنے گہرے تاثرات سے متاثر کیا۔الیکشن اوبزرور نے اَپنے خطاب میں جمہوریت میں ووٹنگ کے اہم رول پر زور دیا اور اِس کی اہمیت کو اُجاگر کرنے کے لئے چند اشعار کابھی اِشتراک کیا۔پولیس اوبزرور آر سوہاس نے بھی اَپنے جذبات کا اظہار کرتے ہوئے ہر ووٹ کی اہمیت کو اُجاگر کیا۔قاضی اختر اور سپنا کوتوال نے بھی ووٹنگ کی اہمیت پر اَپنے خیالات کا اِظہار کیا، اختر نے اس موضوع پر چند اشعار پڑھے۔ پروفیسر لطیف احمد شاہ نے ووٹ کی طاقت کے بارے میں اپنے خیالات کا اظہار کیا۔تقریب کا آغاز کالج کی نوڈل پرنسپل پروفیسر سیما ناز کی پرتپاک استقبالیہ تقریر سے ہوا، جنہوں نے معزز مہمانوں کا شکریہ ادا کیا۔ پروگرام کا اختتام پروفیسر اے جی کمار کے شکریہ کے ووٹ کے ساتھ ہوا۔تقریب کا آغاز کالج کی نوڈل پرنسپل پروفیسر سیما ناز کی والہانہ اِستقبالیہ تقریر سے ہوا جنہوں نے معزز مہمانوں کا شکریہ ادا کیا۔ تقریب کے اختتام پر پروفیسر اے جی کمار شکریہ کی تحریک پیش کی۔یہ مشاعرہ فن اور شہری ذمہ داری کا ایک انوکھا امتزاج تھا جس نے شاعری کی طاقت سے طلبأ اور اساتذہ کو جمہوری گفتگو میں کامیابی کے ساتھ شامل کیا۔
