پلان کے طریقۂ کار پر تبادلہ خیال کرنے کی خاطر آر ڈی ڈی میٹنگ کی صدارت کی
کٹھوعہ// ضلع ترقیاتی کمشنر کٹھوعہ ڈاکٹر راکیش منہاس نے کانفرنس ہال ڈی سی آفس کمپلیکس میں مالی سال 2024-25 ء کے لئے پی آر آئی اور بی ڈی سی گرانٹس کے منصوبے پر تبادلہ خیال کرنے کی خاطر محکمہ دیہی ترقی کے متعلقہ ضلع افسران کی ایک میٹنگ کی صدارت کی۔ضلع ترقیاتی کمشنر نے منصوبے پر گفتگو کرتے ہوئے ترجیحی بنیادوں پر کام کرنے کی ضرورت پر زور دیا۔ نئے کلاس روموں کی تعمیر، تمام منصوبوں میں ٹھوس اثاثے حاصل کرنے کے لئے 5 لاکھ سے زیادہ منصوبہ بندی، سکول کے اندر کمیونٹی لائبریری کی تعمیر، 3 سے زیادہ پنچایتوں کا احاطہ کرنے والے کمیونٹی ہال کی فراہمی، چھوٹی لین اور نکاسی آب کے منصوبوں کو کلب کرنا، بڑے چیک ڈیم پروجیکٹ، پانی کے تحفظ کا ڈھانچہ، سیاحتی مقامات و مقامات تک راستہ، صحت کے ذیلی مراکز کی عمارتیں، بیک ٹو وِلیج اور بلاک دیوس پروگراموں کے دوران ہینڈ پمپ، کچن گارڈن کے ساتھ آنگن واڑی بلڈنگ اور دیگر اہم کاموں کو اُجاگر کیا گیا۔ضلع ترقیاتی کمشنر نے بی ڈی اوز کو ہدایت دی کہ وہ پی آر آئی اور بی ڈی سی گرانٹس کا پلان تیار کرتے وقت نشاندہی کردہ نکات پر عمل کریں، تمام سرکاری محکمے سرکاری عمارت میں کام کریں اور نئی عمارت کی تعمیر پنچایت کے اسی کمپاؤنڈ میں ہونی چاہیے تاکہ پنچایتی سطح پر تمام سرکاری دفاتر ایک ہی کمپاؤنڈ میں دستیاب ہوں۔اُنہوں نے بی ڈی اوز کو پلان تیار ی کے دوران فیلڈ ورک کرنے کی بھی ہدایت دی اور مزید کہا کہ وہ ماہ جون کے اختتام سے پہلے اپنے پلان کو اچھی طرح سے حتمی شکل دیں
