ایس کے آئی سی سی میں 84 کروڑ روپے سے زیادہ کی لاگت کے 84 بڑے ترقیاتی منصوبوں کا سنگ بنیاد رکھیں گے
سرینگر /// سخت ترین سیکورٹی انتظامات کے بیچ وزیر اعظم نریندر مودی دو روزہ دورے کشمیر پر آج وار ہو رہے ہیں ۔ دو روزہ دورے کے دوران وزیر اعظم 84 کروڑ روپے سے زیادہ کی لاگت سے 84 بڑے ترقیاتی منصوبوں کا سنگ بنیاد رکھیں گے اور کئی ایک کا افتتاح بھی کریں گے ۔ ادھر وزیر اعظم نریندر مودی کے دورے کشمیر کے پیش نظر سیکورٹی بڑھا دی گئی ہے ۔ جموں وکشمیر کی شاہراہوں اور دیگر لنک روڈس پر جہاں سیکورٹی فورسز کے عملے کی تعیناتی میں اضافہ کیا گیا ہے وہیں سرینگرجموں شاہراہ کے دیگر علاقوں میں چیک پوائنٹس بڑھا دئے گئے ہیں۔ سی این آئی کے مطابق سخت ترین سیکورٹی انتظامات کے بیچ وزیر اعظم نریندر مودی 20 اور 21 جون 2024 کو جموں و کشمیر کا دورہ کریں گے۔20 جون کوشام 6 بجے کے قریب،وزیر اعظم سرینگر کے شیرِ کشمیر انٹرنیشنل کانفرنس سینٹر میں ’نوجوانوں کو بااختیار بنانے، جموں و کشمیر کی تبدیلی‘ پروگرام میں شرکت کریں گے۔ وزیر اعظم جموں و کشمیر میں متعدد ترقیاتی منصوبوں کا افتتاح اور سنگ بنیاد رکھیں گے۔ وہ ایگریکلچر اینڈ الائیڈ سیکٹرز پروجیکٹ (جے کے سی آئی پی) میں مسابقتی بہتری کا بھی آغاز کریں گے۔دورے کے دوران 21 جون کو، صبح تقریباً 6.30 بجے، وزیر اعظم سرینگر کے ایس کے آئی سی سی میں یوگا کے 10ویں عالمی دن کی تقریب میں شرکت کریں گے۔ وزیر اعظم اس موقع پر اجتماع سے خطاب کریں گے اور اس کے بعد سی وائی پی یوگا سیشن میں حصہ لیں گے۔ اس موقع پر، وزیر اعظم سٹالز کا معائنہ کریں گے اور جموں و کشمیر کے ینگ اچیورز سے بات چیت کریں گے۔وزیراعظم سنگ بنیاد رکھیں گے اور 84 بڑے ترقیاتی منصوبوں کا افتتاح کریں گے جن کی مالیت 84 کروڑ روپے سے زائد ہے۔ افتتاح میں روڈ انفراسٹرکچر، واٹر سپلائی سکیموں اور اعلیٰ تعلیم میں انفراسٹرکچر وغیرہ سے متعلق منصوبے شامل ہوں گے۔ اس دوران وزیر اعظم چنانی پٹنی ٹاپ ناشری سیکشن کی بہتری، صنعتی اسٹیٹس کی ترقی اور 06 کی تعمیر جیسے منصوبوں کا سنگ بنیاد رکھیں گے۔وزیراعظم سرکاری ملازمت میں تعینات 2000 سے زائد افراد میں تقرری کے لیٹر بھی تقسیم کریں گے۔ان پروجیکٹوں کا سنگ بنیاد/ افتتاح اور آغاز نوجوانوں کو بااختیار بنائے گا اور جموں و کشمیر میں بنیادی ڈھانچے کو اپ گریڈ کرے گا۔21 جون 2024 کو یوگا کے 10ویں بین الاقوامی دن کے موقع پر، وزیر اعظم ایس کے آئی سی سی سرینگر میں بین الاقوامی یوگا دن کی تقریبات کی قیادت کریں گے۔ اس سال کا ایونٹ نوجوان ذہنوں اور جسموں پر یوگا کے گہرے اثرات کو واضح کرتا ہے۔ اس جشن کا مقصد یوگا کی مشق میں ہزاروں افراد کو متحد کرنا، عالمی سطح پر صحت اور تندرستی کو فروغ دینا ہے۔ادھر وزیر اعظم نریندر مودی کے دورے جموں کشمیر کے پیش نظر کسی بھی قسم کے ناخوشگوار واقعے کی روک تھام کو یقینی بنانے کیلئے جموں و کشمیر میں سیکورٹی کا سخت بند وبست کیا گیا ہے۔ ذرائع کے مطابق جموں وکشمیر کی شاہراہوں اور دیگر لنک روڈس پر جہاں سیکورٹی فورسز کے عملے کی تعیناتی میں اضافہ کیا گیا ہے وہیں سرینگرجموں شاہراہ کے دیگر علاقوں میں چیک پوائنٹس بڑھا دئے گئے ہیں۔ معلوم ہو ا ہے کہ جموں کشمیر بھر میں عمومی طور پر اور خاص طور پر ان علاقوں میں جہاں وزیر اعظم اجتماع سے خطاب کرنے والے ہیں سیکورٹی کو بڑھا دیا گیا ہے۔ادھر سرحدوں پر بھی ہائی الرٹ جاری کر دیا گیا ہے ۔
