80 سے زائد خلاف ورزی کرنے والوں کو جرمانہ عائد،خلاف ورزی کرنے والوں سے موقع پر ہی 35،000 روپے جرمانہ وصول کیا گیا
سرینگر//سینئر سپرنٹنڈنٹ آف پولیس (ایس ایس پی) ٹریفک رولر کشمیر، رویندر پال سنگھ نے جنوبی کشمیر کے اننت ناگ ضلع میں روڈ ٹریفک مینجمنٹ اور انفورسمنٹ سسٹم کا جائزہ لیا۔وائس آف انڈیا کے نمایندے امان ملک کے مطابق ایس ایس پی نے اننت ناگ کوکرناگ روڈ میں NH-244 پر حادثات پر قابو پانے کے لیے خصوصی مہم چلائی۔دورے کے دوران، کوکرناگ علاقے میں NH-244 پر ٹریفک کی خلاف ورزی کرنے والوں کے خلاف خاص طور پر مسافر گاڑیوں میں اوور لوڈنگ کے خلاف ایک خصوصی مہم چلائی گئی۔مہم کے دوران MV ایکٹ کی متعلقہ دفعات کے تحت 80 سے زائد خلاف ورزی کرنے والوں کو جرمانہ کیا گیا اور خلاف ورزی کرنے والوں سے موقع پر ہی تقریباً 35000 روپے جرمانہ وصول کیا گیا۔ایس ایس پی نے وی او ائی نمائندے امان ملک کو بتایا کہ لوگوں میں بیداری پیدا کرنے اور ٹریفک قوانین کی خلاف ورزی کرنے والوں کو مقررہ قوانین کی خلاف ورزی سے روکنے کے لیے ایک خصوصی مہم چلائی گئی۔ انہوں نے کہا کہ یہ مہم خلاف ورزی کرنے والوں کے خلاف چلائی گئی، خاص طور پر اوور لوڈنگ گاڑیوں کے خلاف، جو اس وقت ٹریفک پولیس کے لیے ایک بڑا چیلنج ہیں۔بعد ازاں ایس ایس پی ٹریفک نے ڈی ایس پی ٹریفک اننت ناگ محمد ادریس اور ڈی ٹی آئی اننت ناگ جاوید احمد مورے کے ساتھ ڈاکسم کوکرناگ کے ٹریفک چیک پوائنٹ کا بھی دورہ کیا اور افسران کو ہدایت دی کہ وہ سنتھن ٹاپ اور کشتواڑ کی طرف گاڑیوں کے کٹ آف ٹائمنگ پر سختی سے عمل کریں۔
