جموں//مشن ڈائریکٹر این ایچ ایم جے اینڈ کے آیوشی سودن نے آج ریاسی ہیلتھ سوسائٹی نگروٹہ جموں میں میڈیکل آفیسر انچارج یو پی ایچ سی شاستری نگر جموں ڈاکٹر ایلا گپتا کو نیشنل کوالٹی ایشورنس اسٹینڈرز ( این کیو اے ایس ) سرٹیفکیٹ حوالے کیا ۔ مرکزی وزارت صحت اور خاندانی بہبود (MoHFW ) نے ہسپتال میں معیار کے اعلیٰ معیار کے اعتراف میں یو پی ایچ سی شاستری نگر ( جموں ) کو نیشنل کوالٹی اشورینس اسٹینڈرڈز ( این کیو اے ایس ) پروگرام کے تحت قومی سرٹیفکیشن دیا ہے ۔ تصدیق شدہ سہولت کا اندازہ جولائی 2022 کے مہینے میں مرکزی وزارت صحت اور خاندانی بہبود کی طرف سے اعلیٰ تعلیم یافتہ اور فہرست میں شامل تشخیص کاروں کی ایک ٹیم نے کیا تھا ۔ یو پی ایچ سی شاستری نگر کو مزید مضبوط بنانے کیلئے قومی این کیو اے ایس صحت مشن کے تحت اگلے تین برسوں کیلئے 3 لاکھ روپے کی اضافی سرٹیفکیشن کے حصے کے طور پر سالانہ گرانٹ ملے گی جس کے بعد دوبارہ معائینہ کیا جائے گا ۔ آیوشی سودن نے یو پی ایچ سی شاستری نگر کے عملے کو اس کامیابی پر مبارکباد دیتے ہوئے جے اینڈ کے یو ٹی کے تمام میڈیکل کالجوں ، ڈسٹرکٹ ہسپتالوں اور سی ایچ سیز سے مریضوں کی بہتر دیکھ بھال کیلئے این کیو اے ایس کے نفاذ کیلئے کام کرنے کی اپیل کی ۔ اس موقع پر ڈائریکٹر پی اینڈ ایس رجنی چاڑک ، ایف اے اینڈ سی اے او این ایچ ایم مسٹر ابھیشیک تلواریہ ، پروگرام منیجر کوالٹی ایشورنس پروگرام اسٹیٹ ہیلتھ سوسائٹی این ایچ ایم ڈاکٹر جتیندر مہتا موجود تھے ۔
