سانبہ//چیف سیکرٹری ڈاکٹر ارون کمار مہتا نے ڈی سی آفس کمپلیکس کے کانفرنس ہال میں جاری ترقیاتی کاموں بشمول سنٹرل اسپانسرڈ اسکیموں اور دیگر ترقیاتی پروجیکٹوں کا جائیزہ لینے کیلئے محکمہ کے سربراہوں کی ایک میٹنگ کی صدارت کی ۔ شروع میں ڈپٹی کمشنر سانبہ انورادھا گپتا نے ضلع کیپیکس 2022-23 کے تحت ضلع کی فزیکل اور مالی کامیابیوں کے بارے میں تفصیلات بتاتے ہوئے ایک پرذنٹیشن کے ذریعے ضلع کے ترقیاتی پروفائل کا تفصیلی بیان دیا ۔ منریگا سیکٹر کا جائیزہ لیتے ہوئے چیف سیکرٹری نے تعمیراتی کاموں کی رفتار کو دوگنا کرنے اور ہر کام کے معیار کی تصدیق کو یقینی بنانے پر زور دیا ۔ چیف سیکرٹری نے اسکیموں کا جائیزہ لیتے ہوئے افسران سے کہا کہ وہ اسکیموں کی شکلوں کو سمجھیں تا کہ عام لوگوں کو موثر طریقے سے فوائد پہنچ سکیں ۔ امرت سروور مشن کے سلسلے میں چیف سیکرٹری نے اس بات کی تعریف کی کہ ضلع سانبہ میں 75 تالابوں کی بحالی کا کام مقررہ تاریخ سے پہلے مکمل کر لیا گیا ہے ۔ چیف سیکرٹری نے افسران سے کہا کہ وہ ایک ٹیم کے طور پر کام کریں اور متعلقہ محکموں بشمول باغبانی ، زراعت ، سیریکلچر ، این آر ایل ایم ، دیگر خود روز گار اسکیموں کے ذریعے سانبہ ضلع میں جی ڈی پی کو دوگنا کرنے کا ہدف بنائیں ۔ ڈاکٹر مہتا نے ڈی ڈی سی کے چئیر پرسن کیشو دت شرما ، وائس چئیر مین ڈی ڈی سی بلوان سنگھ اور دیگر پی آر آئی کے ایک وفد سے بھی ملاقات کی ۔ چیف سیکرٹری نے پی آر آئی آئی ممبران کے درمیان جن بھاگیداری اسکیم پر زور دیا اور مقامی لوگوں میں نشہ مکت بھارت ابھیان ، سوچھ گاؤں ، ایس بی ایم فیز II اور دیگر بیداری اسکیموں کے بارے میں زیادہ سے زیادہ بیداری پیدا کرنے پر زور دیا ۔ ڈاکٹر مہتا نے یوتھ کلبوں کے ممبران سے بھی بات چیت کی اور انہیں ہنر مندی کی ترقی اور خود روزگار جیسے مشن یوتھ اور دیگر میں حکومت کے زیر اہتمام اسکیموں سے فائدہ اٹھانے کی ترغیب دی ۔ بعد ازاں چیف سیکرٹری نے وجے پور میں ایمس کا دورہ کیا اور ترقیاتی کاموں کی رفتار کا تفصیلی جائیزہ لیا ۔ چیف سیکرٹری نے کہا کہ او پی ڈی اگلے ماہ سے اہم ادارے کے آیوش بلاک میں شروع ہونی چاہئیے جبکہ 2023 کی تکمیل کی تاریخ کو حاصل کرنے کی تاکید کی ۔ ڈویژنل کمشنر جموں ، ڈائریکٹر ٹورازم ، ڈائریکٹر سی اے ڈی پی ، ایم ڈی جے کے پی سی سی ، ایم ڈی ایگرو ، ڈائریکٹر سوشل ویلفئیر ، ڈائریکٹر جیالوجی اینڈ مائیننگ ، ڈائریکٹر ہینڈی کرافٹس اینڈ ہینڈ لوم اور دیگر اعلیٰ حکام اس موقع پر موجود تھے ۔
