نئی دہلی / /صدر آئی اے ایس او ڈبلیو اے جموں و کشمیر ڈاکٹر امیتا مہتا نے اس کے اراکین مسز سپنا اگروال اور مسز جیوتی چوہان کے ساتھ آج نئی دہلی میں عطیہ مہم کا اہتمام کیا ۔ ٹیم نے آج ’ دی ارتھ سیویئرز فاؤنڈیشن ‘ کو کمبل اور نقد رقم عطیہ کے طور پر دی اور اس کے صدر مسٹر جیس کالرا سے بھی ملاقات کی ، جو کہ 23 سال کا لڑکا ہے ، جو زندگی بھر کی خدمت کے سفر پر اپنے والد کے نقش قدم پر چل رہا ہے ۔ ٹیم نے اس فاؤنڈیشن ( این جی او ) کو درپیش مسائل پر تفصیلی تبادلہ خیال کیا ۔ یہ فاؤنڈیشن دن رات محنت کر رہی ہے تا کہ بے سہارا اور لاوارث افراد کو ان کی زندگیوں میں مشکلات کا سامنا نہ کرنا پڑے اور انہیں آرام اور وقار کے ساتھ زندگی گذارنے میں مدد ملے ۔ وفد نے ’ ریڈ کراس سوسائٹی ‘ کے سیکریٹری جنرل مسٹر راکیش جین ، ریٹائیرڈ آئی اے ایس سے بھی ملاقات کی اور ملک بھر میں آفات کوکم کرنے کی ضروریات پر تبادلہ خیال کیا ۔
