سرینگر//چیف سیکرٹری ڈاکٹر ارون کمار مہتا نے آج ہاسپٹلٹی اینڈ پروٹوکول ( ایچ اینڈ پی ) ڈیپارٹمنٹ کے آن لائن روم بکنگ پورٹل کا ای افتتاح کیا ۔ انہوں نے سرکٹ ہاوس جموں میں ایک اضافی رہائشی بلاک کا بھی افتتاح کیا ۔ اس موقع پر ایڈیشنل چیف سیکرٹری مالیات وویک بھردواج بھی موجود تھے ۔ آن لائن پورٹل جموں و کشمیر کے اندر اور باہر محکمہ ایچ اینڈ پی کے سرکٹ ہاوسز کے ریزرویشن سسٹم کیلئے فراہم کرتا ہے ۔ آن لائن روم ریزرویشن سسٹم کے ای افتتاح کے ساتھ سرکاری ملازمین اور دیگر لوگ جموں و کشمیر کے اندر اور باہر اپنے موبائل فون کے کلک سے سرکٹ ہاوس کی بکنگ کیلئے آن لائن درخواست دے سکتے ہیں ۔ پورٹل افسران /اہلکاروں اور شہریوں کے ذریعہ بکنگ کی درخواست آن لائن جمع کرانے کی اجازت دیتا ہے ۔ بکنگ کی درخواست جمع کرانے کے ساتھ صارفین کے موبائل فون پر ایک او ٹی پی تیار ہوتا ہے اور او ٹی پی داخل ہونے کے بعد بکنگ کی تصدیق ہو جاتی ہے ۔ بکنگ کی تفصیلات کسٹمر کے موبائل فون پر بھیجی جاتی ہیں ۔ چیف سیکرٹری نے مہمان نوازی اور پروٹوکول ڈیپارٹمنٹ کی کوششوں کی تعریف کی اور کہا کہ یہ ڈیجٹل جموں و کشمیر کے سفر میں ایک اور پنکھ ہے ۔ انہوں نے امید ظاہر کی کہ نیا نظام الاٹمنٹ کے نظام میں مزید شفافیت اور منصفانہ لائے گا ۔ انہوں نے متعلقہ افسران سے یہ بھی کہا کہ وہ سرکٹ ہاوسز کا آن لائن ڈیٹا برقرار رکھیں اور سرکٹ ہاوس کی ضروریات کا مستقل بنیادوں پر جائیزہ لیتے رہیں ۔ انہوں نے سرکٹ ہاوسز اور دیگر اثاثوں کی دیکھ بھال پر بھی زور دیا ۔ انہوں نے متعلقہ نگراں کی طرف سے روزانہ کی بنیاد پر ان اثاثوں کی افادیت کو چیک کرنے پر بھی زور دیا ۔ کمشنر سیکرٹری مہمان نوازی اور پروٹوکول طلعت پرویز نے چیف سیکرٹری کو آن لائن پورٹل کے بارے میں آگاہ کیا اور کہا کہ اسے مکمل طور پر آر اے ایس کے ساتھ مربوط کر دیا گیا ہے ۔ انہوں نے کہا کہ پورٹل بہت صارف دوست ہے اور کمرے کی ریزرویشن کی تصدیق کی صورتحال فوری طور پر درخواست گذار کو ایس ایم ایس یا سندیس ایپ کے ذریعے مطلع کر دی جاتی ہے ۔ سرکٹ ہاوس میں اضافی بلاک کے بارے میں تفصیلات بتاتے ہوئے انہوں نے بتایا کہ یہ 2 سوئٹ اور 12 بہت اچھے فرنشڈ کمروں پر مشتمل ہے ۔ پراجیکٹ پر کام ایگزیکیوٹنگ ایجنسی پی ڈبلیو ڈی ( آر اینڈ بی ) جموں نے جون 2019 میں شروع کیا تھا اور اسے جون 2022 کو مکمل کیا گیا تھا ۔ انہوں نے بتایا کہ پروجیکٹ کی کل لاگت 660 لاکھ تھی تا ہم بلاک کی تکمیل پر آنے والے کل اخراجات 510.83 لاکھ روپے ہیں ۔
