جموں و کشمیر میں4افسران کے تبادلے،اطلاق فوری طور ہوگا
سرینگر// یو این ایس / جموں و کشمیر حکومت نے مرکز کے زیر انتظام علاقے میں 17 میڈیکل افسران کو ضلعی آیوش افسر اور اس کے مساوی عہدوں کا اضافی چارج سونپ دیا ہے، جبکہ انتظامی ردوبدل کے تحت چار دیگر میڈیکل افسران کے تبادلے بھی عمل میں لائے گئے ہیں۔محکمہ صحت و طبی تعلیم کی جانب سے 15 ستمبر کو جاری حکم نامے کے مطابق یہ عارضی انتظامات انتظامی ضرورت اور آیوش محکمہ کے کام کاج کو بہتر انداز میں جاری رکھنے کے لیے کیے گئے ہیں۔ یہ انتظامات اگلے احکامات تک نافذ رہیں گے۔حکم نامے کے تحت ڈاکٹر فردوس احمد ملک کو ضلع آیوش افسر بانڈی پورہ، ڈاکٹر مشتاق احمد پیر کو ضلع آیوش افسر بارہمولہ، ڈاکٹر بہار احمد بٹ کو گاندربل اور ڈاکٹر محمد فاروق نقشبندی کو ضلع آیوش افسر اننت ناگ کا اضافی چارج دیا گیا ہے۔ڈاکٹر محمد سلطان پرے کو ضلع آیوش افسر سری نگر کی ذمہ داری سونپی گئی ہے۔ وہ اپنی موجودہ ذمہ داریوں کے علاوہ سرکاری یونانی اسپتال شالٹینگ سری نگر کا کام بھی دیکھتے رہیں گے۔اسی طرح ڈاکٹر شبیر حسین شاہ کو ضلع آیوش افسر شوپیاں، ڈاکٹر منظور حسین قریشی کو کولگام، ڈاکٹر مظفر حسین کو بڈگام اور ڈاکٹر محمد شفیع ملک کو پلوامہ کا چارج دیا گیا ہے۔جموں خطے میں ڈاکٹر رینو داس کو ضلع آیوش افسر جموں، ڈاکٹر سرتا گپتا کو ریاسی، ڈاکٹر سمتا گپتا کو ڈوڈہ، ڈاکٹر نینی جسروٹیا کو سامبا، ڈاکٹر روی دت شرما کو کشتواڑ اور ڈاکٹر شاہین احمد میر کو رام بن کا اضافی چارج سونپا گیا ہے۔اس کے علاوہ ڈاکٹر نذیر احمد آہنگر کو اسسٹنٹ کنٹرولر، اسٹورز (یونانی) جبکہ ڈاکٹر دیپا کچرو کو اسسٹنٹ کنٹرولر، اسٹورز (آیورویدک) کی ذمہ داری دی گئی ہے۔حکومت نے واضح کیا ہے کہ یہ تمام تقرریاں عارضی نوعیت کی ہیں اور عدالت میں زیر التوا کسی بھی رٹ درخواست کے فیصلے سے مشروط ہوں گی۔ اضافی چارج سنبھالنے سے کسی افسر کو سینیارٹی، مستقل تقرری یا ترقی میں ترجیح کا کوئی حق حاصل نہیں ہوگا۔ ان معاملات کو متعلقہ قواعد کے تحت ہی نمٹایا جائے گا۔اضافی ذمہ داریاں حاصل کرنے والے افسران اپنے موجودہ عہدوں کی ذمہ داریاں بھی انجام دیتے رہیں گے اور اضافی چارج ان کی بنیادی تقرری کو متاثر نہیں کرے گا۔اسی انتظامی ردوبدل کے تحت چار میڈیکل افسران کے تبادلے بھی کیے گئے ہیں۔ ڈاکٹر عبدالرحمان راتھر، جو آیوش ڈسپنسری چاوالگام میں میڈیکل افسر اور انچارج ڈی این او کولگام تھے، کو اے اے ایم حسن پورہ اننت ناگ میں میڈیکل افسر تعینات کیا گیا ہے۔ وہ اپنی معمول کی ذمہ داریوں کے علاوہ 50 بستروں والے آیوش اسپتال کولگام کا کام بھی دیکھیں گے۔ڈاکٹر وکرم سنگھ جموال کو آیوش ڈسپنسری ہلار سے اے اے ایم سمیل پور سامبا، ڈاکٹر کمل کشور دوبے کو سٹی ڈسپنسری ریاسی سے اے اے ایم کے اے سنگھ آر ایس پورہ اور ڈاکٹر سنجے چاڈا کو آیوش ہیلتھ اینڈ ویلنس سینٹر کنٹھ گلی رام بن سے اے اے ایم ستریاں جموں منتقل کیا گیا ہے۔حکم نامے کے مطابق تمام متعلقہ افسران کو فوری طور پر اپنی سابقہ ذمہ داریوں سے فارغ تصور کیا جائے گا۔یہ حکم محکمہ صحت و طبی تعلیم کے کمشنر سیکریٹری ایم راجو، آئی اے ایس نے سرکاری حکم نامہ نمبر 694-JK(HME) برائے سال 2026 کے تحت جاری کیا ہے۔
