1558 نئے ہاوسنگ یونٹس کی منظوری دی گئی
سرینگر//چیف سیکرٹری مسٹر اتل ڈولو نے ہاؤسنگ اینڈ اربن ڈیولپمنٹ ڈیپارٹمنٹ ( ایچ اینڈ یو ڈی ڈی ) کے یونین ٹیر یٹری لیول سینکشننگ اینڈ مانیٹرنگ کمیٹی ( یو ٹی ایل ایس ایم سی ) کے پہلے اجلاس کی صدارت کی ، جس میں پردھان منتری آواس یوجنا اربن ( پی ایم اے وائی ۔ یو ) کے تحت پیش رفت کا جائیزہ لیا گیا اور شہری غریبوں کیلئے روز گار پیدا کرنے کے مقصد سے دین دیال انتودھیا یوجنا ۔ جموں و کشمیر شہری ( ڈی ۔ جے اے وائی شہری ) اسکیم کے نفاذ کا اندازہ لگایا گیا ۔ اجلاس میں کمشنر سیکرٹری ایچ اینڈ یو ڈی ڈی ، کمشنر سیکرٹری ایف سی ایس اینڈ سی اے ، کمشنر سیکرٹری فاریسٹ ، کمشنر سیکرٹری سوشل ویلفئیر ، جموں اور سرینگر میونسپل کارپوریشنز کے کمشنرز ، ایم ڈی جموں و کشمیر ہاؤسنگ بورڈ ، ایم ڈی این یو ایل ایم کے علاوہ دیگر سینئر افسران نے شرکت کی ۔ اجلاس کے دوران کمیٹی نے پی ایم اے وائی ۔ یو 2.0 کے بینیفشری لیڈ کنسٹرکشن ( بی ایل سی ) ورٹیکل کے تحت یو ٹی کے مختلف اضلاع میں 1254 ہاؤسنگ یونٹس کی تعمیر اور اودھمپور ضلع میں ایفورڈیبل ہاؤسنگ ان پارٹنرشپ ( اے ایچ پی ) ورٹیکل کے تحت 304 اضافی رہائشی یونٹس کی منظوری دی ۔ کمیٹی نے 2025-26 کیلئے سالانہ کیپیسٹی بلڈنگ پلان کو بھی منظور کیا ، جو وزارت ہاؤسنگ اینڈ اربن افئیرز ( MoHUA ) کو ارسال کیا جائے گا ۔ چیف سیکرٹری نے مناسب مستفیدین کی شناخت کی اہمیت پر زور دیا تا کہ سستی رہائش کے منصوبوں کا بروقت آغاز یقینی بنایا جا سکے ۔ انہوں نے محکمے کو ہدایت دی کہ تمام اضلاع میں پی ایم اے وائی ۔ یو 2.0 کے تحت گھریلو سروے کی تکمیل کو تیز کیا جائے تا کہ مختلف عمودی شعبوں میں مستفیدین کی رجسٹریشن کو بڑھایا جا سکے ۔ شفافیت کی ضرورت پر زور دیتے ہوئے انہوں نے ہدایت دی کہ تمام درخواست دہندگان کی تصدیق کو تیزی سے مکمل کیا جائے تا کہ حقیقی گھرانوں کو مطلوبہ فوائد حاصل ہوں ۔ تعمیراتی رفتار کا جائیزہ لیتے ہوئے انہوں نے مستفیدین کی طرف سے بنائے جا رہے رہائشی یونٹس کی مقررہ مدت کے اندر تکمیل کی ہدایت دی ۔ انہوں نے پی ایم اے وائی ۔ یو کے مرحلہ اول کے جاری کاموں کو تیز کرنے پر زور دیا ، جو اپنی اختتامی تاریخ کے قریب ہیں ، جبکہ ساتھ ہی پی ایم اے وائی ۔ یو مرحلہ دوم کے موثر نفاذ پر توجہ دینے کی بات کی ۔ چیف سیکرٹری نے زور دیا کہ رہائش اور روزگار کے دونوں اقدامات کو وقت پر ، شفاف اور مستفید ہونے والوں کیلئے بہترین طریقے سے نافذ کیا جائے تا کہ پورے یو ٹی میں شہری غریب خاندان ان فلیگ شپ اسکیموں سے زیادہ سے زیادہ فائدہ اٹھا سکیں ۔
