لیفٹیننٹ گورنر نے سکائی روٹ ائیرو سپیس کی ٹیم کو وکرم ۔1 کی پہلی مداری لانچ پر مُبارک باددِی

سری نگر// لیفٹیننٹ گورنر منوج سِنہا نے آج سکائی روٹ ائیروسپیس کی ٹیم کو وکرم۔1 کی پہلی کامیاب مداری لانچ پردِلی مُبارک باد پیش کی۔ لیفٹیننٹ گورنر نے اَپنے مُبارک بادی کے پیغام میں کہا،’’سکائی روٹ ائیروسپیس کی ٹیم کو وکرم۔1 کی پہلی کامیاب مداری لانچ پر دلی مُبارک باد ۔ یہ تاریخی کامیابی پوری ملک کے لئے باعث فخر ہے اور وزیر اعظم نریندر مودی جی کے اس ویژن کی عکاسی کرتی ہے جس کا مقصد اختراع اور نجی شعبے کی شراکت کے ذریعے ہندوستان کے خلائی شعبے کو مزید مضبوط بنانا ہے۔ میں سکائی روٹ کی ٹیم کے جذبۂ جدت، عزم اور انتھک محنت کو سراہتا ہوں۔ میری دعا ہے کہ یہ غیر معمولی کامیابی ہمارے نوجوانوں کو سائنس اور اِختراع کے میدان میں آگے بڑھنے اور خلائی تحقیق میں ہندوستان کو عالمی قیادت دِلانے کے سفر میں اَپنا کردار اَدا کرنے کی ترغیب دے۔