شاہراہ کا تعمیراتی کارکن جاں بحق، ٹرک کنڈیکٹر زخمی
سرینگر / این این بی // سرینگر جموں شاہراہ پر رام بن کے مقام پر ایک المناک سڑک حادثے میں ہائی وے تعمیراتی کارکن جاں بحق ہو گیا جبکہ ٹرک کنڈیکٹر زخمی ہو گیا ۔ نیشنل نیوز بیورو ( این این بی ) کے مطابق جموں سرینگر شاہراہ پر ضلع رام بن کے سری علاقے میں ایک سڑک حادثے میں ہائی وے تعمیراتی کمپنی سے وابستہ ایک کارکن کی موت واقع ہوگئی، جبکہ ایک ٹرک کنڈیکٹر زخمی ہوگیا۔ حادثے کے بعد مقامی لوگوں، پولیس اہلکاروں اور سول کوئک ریسپانس ٹیم رام بن کے رضاکاروں نے فوری طور پر جائے حادثہ پر پہنچ کر دونوں متاثرین کو ضلع اسپتال رام بن منتقل کیا، جہاں ڈاکٹروں نے ایک کارکن کو مردہ قرار دے دیا۔موصولہ اطلاعات کے مطابق، مہلوک کارکن کی شناخت محمد اعظم (30)، ولد شوکت علی، ساکن بونزوا، ضلع کشتواڑ کے طور پر ہوئی ہے، جبکہ زخمی ٹرک کنڈکٹر کی شناخت محمد عرفان، ولد محمد شفیع، ساکن ضلع کپواڑہ کے طور پر کی گئی ہے۔ذرائع کے مطابق جموںسرینگر شاہراہ پر گزشتہ شب ایک ٹرک خراب ہوکر رک گیا تھا۔ بتایا جاتا ہے کہ محمد اعظم خراب گاڑی کو ہٹانے یا اس کی مرمت کے سلسلے میں کام انجام دے رہے تھے۔ اسی دوران ایک دوسرا ٹرک وہاں سے گزرتے ہوئے انہیں اپنی زد میں لے آیا، جس کے نتیجے میں وہ شدید طور پر زخمی ہوگئے۔ حادثے میں ٹرک کنڈکٹر محمد عرفان بھی زخمی ہوا۔واقعے کی اطلاع ملتے ہی مقامی افراد، پولیس اہلکاروں اور سول کوئک ریسپانس ٹیم رام بن کے رضاکاروں نے امدادی کارروائیاں انجام دیں اور دونوں زخمیوں کو فوری طور پر ضلع اسپتال رام بن پہنچایا۔ تاہم، اسپتال میں موجود ڈاکٹروں نے محمد اعظم کی موت کی تصدیق کی۔ حادثے میں زخمی ہونے والے محمد عرفان کی حالت کے بارے میں فوری طور پر مزید تفصیلات سامنے نہیں آسکیں۔اس حادثے کے بعد علاقے میں افسوس کی لہر دوڑ گئی۔ قومی شاہراہ پر گاڑیوں کی آمدورفت کے دوران سڑک کی مرمت، خراب گاڑیوں کو ہٹانے اور شاہراہ پر کام کرنے والے ملازمین کی حفاظت کے حوالے سے بھی ایسے واقعات تشویش کا باعث بنتے ہیں۔ادھر، پولیس نے حادثے کے سلسلے میں معاملہ درج کرلیا ہے اور واقعے کی اصل وجوہات کا پتہ لگانے کے لیے مزید تحقیقات شروع کردی ہیں۔ پولیس کی جانب سے حادثے کے حالات اور دیگر متعلقہ پہلوو ¿ں کی چھان بین کی جارہی ہے۔
