سرینگر//یوتھ سروسز اینڈ سپورٹس کے سیکرٹری سرمد حفیظ نے بخشی سٹیڈیم اور ملٹی پل سپورٹس کمپلیکس گنڈون راج باغ کے جڑواں مقامات پر منعقد ہونے والی 45 ویں سینئر نیشنل سافٹ بال چیمپین شپ کا افتتاح کیا ۔ قومی ایونٹ کی افتتاحی تقریب بخشی سٹیڈیم میں منعقد ہوئی ۔ افتتاحی تقریب کی صدارت سیکرٹری یوتھ سروسز اینڈ سپورٹس سرمد حفیظ نے بطور مہمان خصوصی کی جبکہ جموں و کشمیر سپورٹس کونسل کی سیکرٹری نزہت گل اس موقع پر مہمان خصوصی تھیں ۔ شرکاء سے خطاب کرتے ہوئے سرمد حفیظ نے کہا کہ چیمپین شپ سے ٹیموں کے درمیان سخت مقابلے کی توقع ہے کیونکہ وہ قومی چیمپین بننے کیلئے کوشاں ہیں ۔ انہوں نے کہا ’’ ملک کی ستائش مختلف ریاستوں اور مرکز کے زیر انتظام علاقوں کے کھلاڑی تقریباً ایک ہزار سے زیادہ تعداد میں اپنی صلاحیتوں اور ٹیم ورک کا مظاہرہ کرنے کیلئے اکٹھے ہوئے ہیں ‘‘۔ سیکرٹری یوتھ سروسز اینڈ سپورٹس نے یہ بھی کہا کہ چیمپین شپ نہ صرف کھلاڑیوں کو اپنی صلاحیتوں کا مظاہرہ کرنے کا پلیٹ فارم فراہم کرتی ہے بلکہ انہیں قومی اعزاز کیلئے مقابلہ کرنے کا موقع بھی فراہم کرتی ہے کیونکہ چیمپین شپ کے فاتحین کو نہ صرف ملک کے بہترین کھلاڑی کے طور پر تسلیم کیا جائے گا لیکن اپنی کامیابیوں کیلئے وقار اور پہچان بھی حاصل کریں گے ۔ نزہت گل نے تقریب کے موقع پر گفتگو کرتے ہوئے کہا کہ ایسے وقت میں جب سافٹ بال ہندوستان میں عوام میں مقبولیت حاصل کر رہا ہے یہ چیمپین شپ کھلاڑیوں کو اپنے علاقوں کی نمائندگی کرنے اور قومی سطح پر مقابلہ کرنے اور جموں و کشمیر سپورٹس کونسل کیلئے ایک موقع فراہم کرتی ہے ۔ چیمپین شپ کی میز بانی ایک قابل فخر لمحہ ہے کیونکہ یہ خطے میں کھیلوں کے فروغ کیلئے آگے بڑھے گا ۔
