جموں کے ریاسی میں3افراد ڈوب کر لقمہ اجل بن گئے

سری نگر//جموں کے ریاسی علاقے میں اتوار کے روز ندی میں دوب جانے کے نتیجے میں 3افراد لقمہ اجل بن گئے ۔کشمیر نیوز سروس ( کے این ایس ) کے مطابق جموں و کشمیر کے ریاسی ضلع میں ارتھ موور پر سوار 3 افراد ندی میں ڈوب گئے، پولیس نے اتوار کو بتایا۔مقامی پولیس سٹیشن کے سٹیشن ہاؤس آفیسر انسپکٹر سمن سنگھ نے بتایا کہ سٹون کریشر کی سے بھاری گاڑی چسانہ کے سنگری گاؤں کے قریب ایک ندی کو پار کر رہی تھی جب وہ ہفتہ کی رات 9بجے کے قریب ڈوب گئی۔انہوں نے کہا کہ نتیش کمار (22)، ہوشیار سنگھ (25) اور راجندر کمار (27) کی لاشیں ریسکیورز نے برآمد کیں اور آخری رسومات کے لیے قانونی رسمی کارروائیوں کو مکمل کرنے کے بعد ان کے اہل خانہ کے حوالے کر دیا۔