مسالا برآمد کنندگان معیارات کے اشوز پر کام کررہے ہیں /وزیر
سرینگر// تجارت اور صنعت کے وزیر پیوش گوئل نے کہا کہ وزراء کا ایک گروپ طلب و رسد اور قیمت کی صورتحال پر غور کرنے کے بعد غیر باسمتی چاول کی بعض اقسام پر سے پابندی ہٹانے کا فیصلہ کرے گا۔بھارت نے گھریلو رسد کو بڑھانے کے لیے 20 جولائی 2023 سے غیر باسمتی سفید چاول کی برآمدات پر پابندی لگا دی ہے۔انہوں نے کہاکہ یہ فیصلے وزراء کے ایک گروپ کے ذریعے کیے جاتے ہیں۔ ہم وقتاً فوقتاً ملتے ہیں، زرعی پیداوار کی پیداوار، کھپت کے پیٹرن، خوردہ اور تھوک مارکیٹ میں قیمت کا جائزہ لیتے ہیں، اور ہم ایک متوازن فیصلہ لیتے ہیں۔مسالوں کی برآمدات کے بارے میں، انہوں نے کہا کہ ہندوستانی برآمد کنندگان کوالٹی کے معیارات کے بارے میں شعور رکھتے ہیں اور کچھ مصالحہ جات کی کھیپ کا مسئلہ ’’بہت بہت‘‘ چھوٹا تھا اور اسے بڑھا چڑھا کر پیش کرنے کی ضرورت نہیں ہے۔بعض MDH اور ایورسٹ مسالوں کی برآمدات کو سنگاپور اور ہانگ کانگ نے مبینہ طور پر سرطان پیدا کرنے والے کیڑے مار دوا ایتھیلین آکسائیڈ پر جائز حد سے زیادہ ہونے کی وجہ سے مسترد کر دیا تھا۔گوئل نے کہا کہ ملک کے 56 بلین ڈالر کی خوراک اور متعلقہ مصنوعات کی برآمدات کے مقابلے میں جن کنسائنمنٹس میں کچھ مسئلہ تھا وہ بہت کم تھے۔گوئل نے کہاکہ وہ کمپنی کے لیے مخصوص مسائل تھے جن کو FSSAI (فوڈ سیفٹی اینڈ اسٹینڈرڈز اتھارٹی آف انڈیا) اور متعلقہ حکام کے درمیان حل کیا جا رہا ہے۔
