2 کانوں کے لیے تکنیکی طور پر اہل بولی دہندہ قرار
سرینگر// ویدانتا گروپ کی فرم ہندوستان زنک، جندال پاور، اور جے کے سیمنٹ ان چند کمپنیوں میں شامل ہیں جو راجستھان میں فروخت کے لیے رکھی گئی سونے کی دو کانوں کے لیے تکنیکی طور پر اہل بولی دہندگان کے طور پر ابھری ہیں۔رام گڈ منرلز اینڈ مائننگ لمیٹڈ، ہیرا کنڈ نیچرل ریسورسز لمیٹڈ، جندال پاور، ہندوستان زنک اور سید اویس علی صحرائی ریاست میں بھوکیا۔جگ پورہ گولڈ بلاک کے لیے تکنیکی طور پر اہل بولی دہندگان کے طور پر ابھرے ہیں۔کنکریا گاڑا گولڈ بلاک کے معاملے میں، تکنیکی طور پر اہل بولی دہندگان ہیرا کنڈ نیچرل ریسورسز، پودار ڈائمنڈ، اویس میٹل اینڈ منرل پروسیسنگ، ہندوستان زنک اور جے کے سیمنٹ ہیں۔ راجستھان حکومت کے ڈپارٹمنٹ آف مائنز اینڈ جیولوجی (ڈی ایم جی) کی ویب سائٹ کے مطابق نیلامی کا عمل رواں سال مارچ میں شروع ہوا تھا۔ویب سائٹ کے مطابق دونوں گولڈ بلاکس کی نیلامی اسی ہفتے ہوگی۔دکن گولڈ مائنز کے منیجنگ ڈائریکٹر ہنوما پرساد نے پہلے کہا تھا کہ آندھرا پردیش میں ملک کی پہلی بڑی نجی سونے کی کان کی مکمل پیداوار 2024 کے آخر تک شروع ہو جائے گی۔جوناگیری گولڈ پراجیکٹ، جس میں پائلٹ اسکیل آپریشن پہلے ہی شروع ہو چکا ہے، اس کی مکمل پیداوار شروع ہونے کے بعد سالانہ تقریباً 750 کلوگرام سونا پیدا ہوگا۔اس کان میں، جس میں اب تک 200 کروڑ روپے کی سرمایہ کاری کی گئی ہے، اس وقت ہر ماہ تقریباً ایک کلو سونا پیدا کر رہی ہے۔
