محکمہ سائنس اینڈ ٹیکنالوجی کو یہاں سولر سکیموں کی عمل آوری کو تیز کرنے کی دی ہدایت
جموں / / چیف سیکرٹری اَتل ڈولو نے جموںوکشمیر یوٹی میںعمل آوری کے تحت سکل ڈیولپمنٹ اور سائنس اینڈ ٹیکنالوجی محکموں کی سکیموں اور پروجیکٹوں کے اَثرات اور نتائج کا جائزہ لیا۔چیف سیکرٹری نے سکل ڈیولپمنٹ ڈیپارٹمنٹ کے کام کاج کا جائزہ لیتے ہوئے محکمہ پر زور دیا کہ وہ جموںوکشمیر یوٹی کے ہنر مند اِداروں کی طرف سے پیش کردہ کورسوں کی قابل عملیت پر گہری نظر رکھے۔ اُنہوں نے کہا کہ وہاں تربیت حاصل کرنے والے طلبأ کے مجموعی انرولمنٹ اور پلیسمنٹ کو بہتر بنانے کے لئے اقدامات کئے جائیں۔ اُنہوں نے کہا کہ نوجوانوں کی ہنرمندی ان کے لئے فائدہ مند روزگار فراہم کرسکتی ہے ۔ اُنہوں نے واضح کیا کہ متعلقہ کورسوں اور طلبأ کی سخت تربیت اُنہیں مطلوبہ ملازمتیں حاصل کرنے کے منظرنامے کو تبدیل کرسکتی ہے ۔ اُنہوں نے اِن اِداروں کو صحیح قسم کی مہارت فراہم کرنے کے مراکز کے طور پر تیار کیا جائے جن کی مارکیٹ میں مانگ ہے اور طلباء کے مستقبل کو محفوظ بنانے کے لئے انکیوبیشن اور مینٹر شپ سے تقویت ملتی ہے۔چیف سیکرٹری نے اُنہیں مشورہ دیا کہ وہ اِن اِداروں کے پاس آؤٹ کو ٹریک کریں تاکہ ان سے رائے لی جا سکے اور ان کے لئے روزگار کے حصول میں درپیش چیلنجوں کا مطالعہ کیا جاسکے۔ اُنہوں نے یہ بھی کہا کہ ہماری آبادی اور وہاں کی صنعتوں کی ضروریات کے درمیان مہارت کے فرق کے بارے میں جاننے کے لئے ایک سروے کیا جائے۔اِس موقعہ پراُنہوںنے محکمہ سے کہا کہ وہ یہاں قائم سینٹر آف ایکسیلنس کے زیادہ سے زیادہ اِستعمال کے لئے ایک منصوبہ تیار کرے۔ اُنہوں نے ان سے کہا کہ وہ پی ایم کے وی وائی، سٹرائیو اور سنکلپ جیسی سکیموں سے بھرپور فائدہ اُٹھائیں تاکہ ہمارے نوجوانوں اور پسماندہ گروپوں کو ان کو بااِختیار بنانے کے لئے ہنرمند بنایا جاسکے۔چیف سیکرٹری نے کہا کہ سکل ڈیولپمنٹ بنیادی طور پر سیکھنے سے متعلق ہے۔ اُنہوں نے لیبارٹریوں کی صورتحال کے علاوہ طلبأ کے سیکھنے کے لئے ہنر مند اِداروں میں دستیاب مشینری اور آلات کے بارے میں پوچھا۔ اُنہوں نے ان اداروں میں نصاب اور معیاری اَفرادی قوت کو اَپ گریڈ کرنے کے شعبہ کے منصوبوں اور وہاں موجود فیکلٹی کے بارے میں دریافت کیا۔کمشنر سیکرٹری سکل ڈیولپمنٹ ڈیپارٹمنٹ سوربھ بھگت نے اپنی پرزنٹیشن میں محکمہ میں جاری کامیابیوں اور سکیموں کے بارے میں میٹنگ کو جانکاری دی۔ اُنہوں نے بتایا کہ محکمہ اپنے اِندراج شدہ طلبأ کو تمام خدمات آن لائن فراہم کر رہا ہے۔ اُنہوں نے مزید کہا کہ اس میں 15,638 کی اِنٹیک گنجائش ہے اور ہمارے پولی تکنیکوں میں 3,500 بورڈ آف ٹیکنیکل ایجوکیشن (بی او ٹی ای) ان میں سے تقریبا 95 فیصد بھرنے کے قابل ہےاُنہوں نے مزید بتایا کہ محکمہ نے آئی ٹی آئی کٹھوعہ اور بڈگام میں انڈسٹریز کے تعاون سے 27 آئی ٹی آئی کے 800 زیر تربیت اَفراد کو آٹوموبائل سے متعلق تربیت فراہم کرنے کے لئے 2 سنٹرس آف ایکسیلنس قائم کئے ہیں۔ اس کے علاوہ اُنہوں نے انکشاف کیا کہ7 آئی ٹی آئی میں ایک مرکزی معاونت والی سکیم سٹرائیو عملائی گئی ہے ، 2میں وِی ٹی آئی پی ہے، جموں اور بارہمولہ میں پولی تکنیک سیکٹر کے تحت سی آئی آئی آئی ٹی سکیم یہاں اِنڈسٹری 4.0 متعارف کرنے کے لئے ہے۔چیف سیکرٹری نے سائنس اینڈ ٹیکنالوجی محکمہ کے کام کے بارے میںجموںوکشمیر یوٹی میں زیر عمل شمسی توانائی کے پروجیکٹوں کو مکمل کرنے کے لئے مزید کوششیں محفوظ کرنے پر زور دیا۔ اُنہوں نے صنعتوں کو شمسی توانائی کی طرف منتقل کرنے میں صحیح مشورہ دینے پر زور دیا۔ اُنہوں نے پی ایم کسم اور گرڈ سے منسلک سولر روف ٹاپ پروجیکٹوں جیسے پروجیکٹوں کو مکمل کرنے کے لئے پی ڈی ڈی کے ساتھ تعاون کرنے کو کہا۔ کمشنر سیکرٹری نے میٹنگ کو یہاں زیر عمل ان پرمنصوبوں کی صورتحال سے آگاہ کیا ۔اُنہوں نے بتایا کہ 200 میگاواٹ کا جموں سولر سٹی مشن جس میں شہر کے 50,000 گھران شامل ہیں فی الحال یہاں پر عمل آوری جاری ہے۔اِس کے علاوہ اُنہوں نے اِنکشاف کیا کہ زرعی شعبے کے فروغ کے لئے ایس اینڈ ٹی کی جانب سے کاشت کاروں کو سولر پمپ فراہم کرنے کے لئے پی ایم کسم پر عمل درآمد کیا جارہا ہے ۔ اُنہوں نے کہا کہ محکمہ کی جانب سے 15 ایچ پی سے زائد گنجائش کے 4000 سولر پمپوں کو اس کے تحت شامل کرنے کا ہدف ہے ۔
