ضلع ترقیاتی کمشنر گاندربل نے مانسبل میں میگا جاب میلے کے اِنتظامات کو حتمی شکل دی

گاندربل//ضلع اِنتظامیہ روزگار کے مواقع پیدا کرنے کی ایک اہم کوشش میں 20 ؍اکتوبر کو یہاں مانسبل گاندربل میں ’’ بے روز گار مُکت گاندربل ‘‘کے تحت ایک میگا جاب میلے کا اِنعقاد کر رہی ہے جس کا مقصد گاندربل کو بے روزگاری سے پاک بناناہے۔اِس سلسلے میں ضلع ترقیاتی کمشنر گاندربل شیامبیر نے آج مانسبل کا دورہ کرکے جاب فیئر کے کامیاب اِنعقاد کے انتظامات کو حتمی شکل دی۔اِس موقعہ پر ضلع ترقیاتی کمشنر کے ہمراہ ایڈیشنل ڈسٹرکٹ ڈیولپمنٹ کمشنر گاندربل مشتاق احمد سمنانی، ایڈیشنل ڈپٹی کمشنر معراج الدین شاہ، سی پی او، اے سی ڈی، ایگزیکٹیو انجینئر آر اینڈ بی، ایگزیکٹیو انجینئر جل شکتی، سی ایم او، اے ڈی ایمپلائمنٹ اینڈ کونسلنگ سینٹر گاندربل اور دیگر متعلقین بھی موجود تھے۔اِس موقعہ پر ضلع ترقیاتی کمشنر نے متعلقہ اِداروں کو اَپنے محکموں سے متعلق تمام اِنتظامات کو یقینی بنانے کے لئے ضروری ہدایات دیں۔یہ بات قابلِ ذِکر ہے کہ مختلف سرکاری محکمے اِس ایونٹ میں فعال طور پر حصہ لیں گے جس سے جاب کے متلاشتی اَفراد کے لئے کیریئر کے مختلف مواقع تلاش کرنے کے لئے یہ ایک جامع پلیٹ فارم بن جائے گا۔اِس موقعہ پر یہ بھی بتایا گیا کہ مختلف شعبوں سے تعلق رکھنے والے تقریباً 20 نامور آجر اس تقریب میں شرکت کریں گے جو گاندربل کے خواہشمند نوجوانوں کو 250 سے زیادہ ملازمتوں کے مواقع فراہم کریں گے۔