اس معاملے میں اب تک چالیس سے زائد افراد کو ہراست میں لیا گیا
سرینگر //پونچھ ملٹنسی حملے میں ملوث حملہ آوروں کا سراغ لگانے کے لیے فی الحال جاری بڑے آپریشن کے ایک حصے کے طور پر 40 سے زیادہ افراد کو پوچھ گچھ کے لیے حراست میں لیا گیا ہے۔ اس حملے میں فوج کے پانچ اہلکار زندہ جل کر ہلاک ہوئے تھے جس کا مرکزی سرکار نے بھی سنجیدہ نوٹس لیا اور وزیر داخلہ امت شاہ اور وزیر دفاع راجناتھ سنگھ نے اس معاملے کی جانکاری حاصل کرتے ہوئے ملوث حملہ آوروں کو کسی بھی قیمت پر تلاش کرنے کی ہدایت دی ۔ ادھر بھاٹا دھریاں-ٹوٹا گلی اور آس پاس کے علاقوں میں محاصرے اور تلاشی کے آپریشن (CASO) کو مزید تیز کرنے کے لیے اضافی دستے شامل کیے گئے ہیں۔ انہوں نے بتایا کہ آپریشن پیر کو چوتھے دن میں داخل ہوا جس میں متعدد سیکیورٹی ایجنسیوں کی مصروفیت تھی، پوری پٹی کو گھیرے میں لے لیا گیا۔ سی این آئی کے مطابق جموں و کشمیر کے پونچھ میں جمعرات کو ایک ملٹنسی کے مبینہ حملے کے دوران ان کی گاڑی میں آگ لگنے سے پانچ فوجی اہلکار ہلاک اور چھٹا شدید زخمی ہو گیا۔حکام نے بتایا کہ تحقیقات کے مطابق حملے کے بعد ممکنہ طور پر بھمبر گلی-پونچھ سڑک کے ایک حصے پر ایک پل میں چھپ گئے تھے، اس سے پہلے کہ انہوں نے فوجی اہلکاروں کو لے جانے والے ٹرک پر حملہ کیا۔انہوں نے مزید کہا کہ خیال کیا جاتا ہے کہ ایک سنائپر نے فوج کے ٹرک کو سامنے سے نشانہ بنایا، اس سے پہلے کہ اس کے ساتھیوں نے گولیوں کی بارش کی اور مخالف سمتوں سے اس پر دستی بم پھینکے، جس سے بظاہر فوجیوں کو جوابی کارروائی کا وقت نہیں ملا۔حکام نے کہاکہ ملیٹنٹوں نے ایسی گولیوں کا استعمال کیا جو بکتر بند ڈھال میں گھس سکتی ہیں۔ انہوں نے مزید کہاکہ فرار ہونے سے پہلے عسکریت پسندوں نے فوجیوں کا اسلحہ اور گولہ بارود بھی اُڑالیا ۔انہوں نے بتایا کہ بکتر بند گاڑی 50 سے زیادہ گولیوں کے نشانات سے چھلنی پائی گئی۔انہوں نے کہا کہ سرچ آپریشن کے دوران، فوجیوں کو علاقے میں کچھ قدرتی غار کے ٹھکانے ملے، جو ممکنہ طور پر ملیٹنٹوںکے ذریعے ماضی میں استعمال کیے جا سکتے ہیںانہوں نے مزید کہا کہ فوجیوں کو کسی دیسی ساختہ بم کی بھی تلاش ہے جو جنگجوئوںکے پاس ہو سکتا ہے۔ گھنے جنگل والے علاقوں میں لگائے جاتے ہیں، خاص طور پر گہری گھاٹیوں اور غاروں میںاس کا استعمال کیا جاسکتا ہے ۔ حکام نے بتایا کہ پونچھ میں حملہ کیا گیا فوجی ٹرک پھل، سبزیاں اور دیگر اشیاء بھمبر گلی کیمپ سے سنگیوٹے گاؤں لے جا رہا تھا جو جمعرات کی شام 7 بجے افطار کی تقریب میں منعقد ہونے والی تھی۔ مارے گئے فوجیوں کا تعلق انسداد ملٹنسی آپریشن کے لیے تعینات راشٹریہ رائفلز یونٹ سے تھا۔حملے کے بعد گاڑیوں کی آمدورفت کے لیے بند کر دی گئی بھمبر گلی-پونچھ روڈ کو اتوار کو دوبارہ ٹریفک کے لیے کھول دیا گیا۔فوج کے شمالی کمانڈر لیفٹیننٹ جنرل اپیندر دویدی نے اتوار کو کہا کہ اس مہلک حملے کے ذمہ دار ملیٹنٹوںکو پکڑنے کے لیے ضروری کارروائی جاری ہے۔حکام نے بتایا کہ نیشنل سیکورٹی گارڈ (این ایس جی) اور نیشنل انویسٹی گیشن ایجنسی (این آئی اے) سمیت مختلف ایجنسیوں کے ماہرین نے گزشتہ حملے کی جگہ کا دورہ کیا ہے تاکہ اس واقعہ کی تحقیقات کی جا سکیں۔اتوار کو کشتواڑ میں سینکڑوں لوگوں نے حملے میں مارے گئے جوانوں کے اہل خانہ کے ساتھ اظہار یکجہتی کے لیے کینڈل لائٹ مارچ نکالا۔
