سری نگر//حکمران جماعت بھارتیہ جنتا پارٹی کے رُکن پارلیمان سشیل مودی نے جمعے کوایوان بالا میں یہ مطالبہ کیا کہ جموں و کشمیر اسمبلی میں کشمیری پنڈتوں کیلئے2اورسرحدپار کے پناہ گزینوں کیلئے ایک نشست مختص کی جائے۔جے کے این ایس مانٹرینگ ڈیسک کے مطابق راجیہ سبھا میں بی جے پی کے رُکن پارلیمنٹ سشیل کمار مودی نے مطالبہ کیا کہ جموں و کشمیر کی حد بندی کمیشن کے مطابق جموں و کشمیر اسمبلی میں2نشستیں بے گھر کشمیری پنڈتوں کیلئے اور ایک نشست ہندوستان میں رہنے والے پی او پاکستانی زیر کنٹرول کشمیرکے پناہ گزینوں کیلئے مختص کی جانی چاہیے۔ سشیل مودی نے کہا کہ کشمیری پنڈتوں نے گزشتہ3 دہائیوں کے دوران بہت نقصان اٹھایا ہے اور جموں و کشمیر کی تنظیم نو کمیشن میں ترمیم ہونی چاہیے۔ انہوں نے کہا کہ ممبر کی طاقت حد بندی کمیشن کی سفارش کے مطابق پڈوچیری اسمبلی کے نامزد شخص کی طرح ہونی چاہئے۔ حد بندی کمیشن کی سفارشات کے مطابق، جموں و کشمیر اسمبلی کی 114میں ہوں گی جن میں سے 90منتخب ہوں گی ،اوریہ اسمبلی نشستیں 47کشمیر وادی سے اور 43 جموں خطے کے لئے رکھی گئی ہیں۔ جموں و کشمیرکے پاکستان کے زیر قبضہ حصوں کیلئے کل24 نشستیں مختص کی گئی ہیں۔ حد بندی کمیشن نے مئی2022 میں جاری اپنی رپورٹ میں سفارش کی تھی۔ رُکن پارلیمنٹ سشیل کمار مودی نے کہاکہ جموں وکشمیرکی قانون ساز اسمبلی میں کشمیری تارکین وطن کی کیمونٹی سے کم از کم 2 اراکین (ان میں سے ایک خاتون ہونا ضروری ہے) کی فراہمی اور ایسے اراکین کو یونین ٹیریٹری کی قانون ساز اسمبلی کے نامزد اراکین کی طاقت کے برابر اختیار دیا جا سکتا ہے۔انہوںنے کہاکہ مرکزی حکومت پاکستان کے زیر قبضہ جموں و کشمیر سے بے گھر افراد کو جموں و کشمیر کی قانون ساز اسمبلی میں کچھ نمائندگی دینے پر غور کر سکتی ہے۔
