اگر کہیں حیثیت میں تبدیلی کی ضرورت ہے تو یہ پاکستان کی زیرقبضہ کشمیر سے چھٹی :بھارت
سری نگر/ /بھارت نے جموں وکشمیر کی خصوصی پوزیشن منسوخ کرنے کے اقدام کادفاع کرتے ہوئے یہ واضح کیا ہے کہ قوانین اورقواعد وضوابط میں تبدیلی یا ترمیم ملکی پارلیما ن کااستحقاق اوراختیار ہے ۔اقوام متحدہ میں بھارت کے مستقل نمائندے اورماہ اگست کیلئے سلامتی کونسل کے صدر ٹی ایس تیرومورتی نے کہاکہ جموں و کشمیر بھارت کا ایک لازمی اور ناقابل تنسیخ حصہ ہے اور اگر کہیں حیثیت میں تبدیلی کی ضرورت ہے تو یہ پاکستان کااپنے زیرقبضہ کشمیر سے چھٹی یا انخلاء ہے۔جے کے این ایس مانٹرینگ ڈیسک کے مطابق اقوام متحدہ میں بھارت کے مستقل نمائندے تیرومورتی نے کہاکہ جموں و کشمیر بھارت کا ایک لازمی اور ناقابل تنسیخ حصہ ہے اور اگر اس کی حیثیت میں تبدیلی کی ضرورت ہے تو یہ پاکستان کی مقبوضہ کشمیرسے چھٹی ہے ۔ تیرومورتی نے کہا کہ ہندوستان میری ٹائم سیکورٹی ، انسداد دہشت گردی اور امن قائم کرنے کے اہم موضوعات پر دستخطی تقریبات کی میزبانی کرے گا۔جموں و کشمیر اور آرٹیکل370 کی منسوخی سے متعلق ایک سوال کے جواب میں ، ٹی ایس تیرئومورتی نے کہا کہمیں شروع سے ہی کچھ واضح کرنا چاہتا ہوں کہ جموں و کشمیر ہندوستان کا اٹوٹ انگ اور ناقابل تنسیخ حصہ ہے۔ میرے خیال میں اس کو پہچاننا ضروری ہے۔ اور مرکز کے زیر انتظام علاقے جموں و کشمیر سے متعلق مسائل بھارت کے اندرونی معاملات ہیں۔انہوںنے کہاکہ یہاں تک کہ سلامتی کونسل کے ارکان بھی ، جب یہ سامنے لایا گیا ، تقریباًسبھی اس بات پر متفق تھے کہ یہ مسئلہ کونسل کیلئے زیر بحث نہیں ہے۔جموں و کشمیر کی صورتحال پر اقوام متحدہ کے سیکرٹری جنرل انتونیو گوتریس کے 8 اگست 2019 کے بیان پر ایک اور سوال کے جواب میں ، اقوام متحدہ میں بھارت کے مستقل نمائندے ٹی ایس تیرئومورتی نے کہاکہجیسا کہ میں نے آپ کو بتایا ، جموں و کشمیر ہندوستان کا ایک لازمی اور ناقابل تنسیخ حصہ ہے۔ اگر حیثیت میں تبدیلی لانے کی ضرورت ہے تو یہ پاکستان کی مقبوضہ کشمیرسیچھٹی ہے۔سیکریٹری جنرل کے 2019 کے بیان میں بھارت اور پاکستان کے درمیان دو طرفہ تعلقات پر 1972 کے شملہ معاہدے کو یاد کیا گیا تھا ،جس میں کہا گیا ہے کہ جموں و کشمیر کی حتمی حیثیت اقوام متحدہ کے چارٹر کے مطابق پرامن طریقوں سے طے کی جانی چاہیے۔شملہ معاہدے کا حوالہ دیتے ہوئے ، ٹی ایس تیرئومورتی نیکہا کہ1972 کے معاہدے کا اصل میں سیکرٹری جنرل نے ذکر کیا ہے۔انہوںنے اس بات پر زور دیا کہ شملہ معاہدہ یہ فراہم کرتا ہے کہ فریقین کے درمیان اختلافات کو پرامن طریقوں سے اور دو طرفہ مذاکرات سے حل کیا جانا چاہیے۔ماہ اگست کیلئے سلامتی کونسل کے صدر ٹی ایس تیرومورتی کاکہناتھاکہ میں سمجھتا ہوں کہ چونکہ پاکستان نے شملہ معاہدے پر دستخط کئے ہیں ،تواُمید ہے کہ وہ اس پر عمل کرے گا اور شملہ معاہدے کی دفعات کو نافذ کرے گا۔ٹی ایس تیرئومورتی نے مزید کہا کہ جموں و کشمیر میں آئینی تبدیلیاں بشمول آئین ہندکے دفعہ 370کے بارے میں واضح کیاکہ یہ تبدیلیاں قائم شدہ پارلیمانی طریقہ کار کے ذریعے لائی گئی ہیں اور یہ آئین ہند کے فریم ورک کے اندر ہیں کہ ان تبدیلیوں کو لاگو کیا جائے۔ لہٰذا آئین کی کسی بھی دوسری شق کی طرح آرٹیکل370 میں کوئی تبدیلی یا ترمیم جمہوریہ ہند کی پارلیمنٹ کا واحد اختیار ہے۔ٹی ایس تیرومورتی نے اس بات کو دہرایا کہ جموں و کشمیر سے متعلق قوانین اور قواعد و ضوابط کو پاس کرنا ہماری پارلیمنٹ پرکااستحقاق اوراختیارہے جوکہ بالکل جائز ہے۔
