ممبئی/آئی اے این ایس// بالی ووڈ اداکارہ روینہ ٹنڈن کو ان کی سالگرہ کے موقع پر بیٹی اور اداکارہ راشا تھاڈانی نے محبت بھرا پیغام دیتے ہوئے انہیں اپنی حقیقی بہترین دوست قرار دیا۔راشا نے پیر کے روز انسٹاگرام پر والدہ کے ساتھ چند خوبصورت تصاویر شیئر کیں۔ ان تصاویر میں ماں بیٹی کی دلکش جھلکیاں شامل ہیں، جب کہ ایک اشتہار کی تصاویر بھی پوسٹ کا حصہ ہیں جس میں دونوں نے ساتھ کام کیا تھا۔راشا نے اپنی والدہ کو سالگرہ کی مبارک باد دیتے ہوئے لکھا،سالگرہ مبارک ہو میری حقیقی بہترین دوست! آپ سے بہت محبت ہے، ماما۔‘‘راشا کے علاوہ سینئر اداکارہ بھاگیہ شری نے بھی سوشل میڈیا کے ذریعے روینہ ٹنڈن کو سالگرہ کی مبارک باد دی۔
