چیف سیکرٹری کا راکیش شرما کی والدہ کے اِنتقال پر اِظہار تعزیت

سری نگر//چیف سیکرٹرء اِتل ڈولو نے ڈِپٹی سیکرٹری راکیش شرما کی والدہ کے اِنتقال پر گہرے دُکھ کااِظہار کیا ہے جن کااِنتقال ہو گیا۔ اُنہوںنے اَپنے ایک تعزیتی پیغام میں راکیش شرما اور سوگوار کنبے کے دیگر اَفراد کے ساتھ اس ناقابلِ تلافی نقصان پر دِلی ہمدردی اور یکجہتی کا اِظہار کیا۔اَتل ڈولو نے کہا کہ ماں کا اِنتقال ایک اِنتہائی تکلیف دہ ذاتی صدمہ ہوتا ہے، جو اَولاد اور کنبے کے اَفراد کی زندگی میں ایسا خلا چھوڑ جاتا ہے جسے کبھی پُرنہیں کیا جا سکتا۔اُنہوں نے کہا کہ ایسے مشکل وقت میں الفاظ شاید ہی تسلی دے سکتے ہیں ،تاہم دُکھ کی اس گھڑی میں ساتھیوں اور خیر خواہوں کی دُعائیں اور ہمدردیاں سوگوار کنبے کے ساتھ ہیں۔چیف سیکرٹری نے مرحومہ کی روح کے ابدی سکون اور راکیش شرما اور ان کے اہلِ خانہ کو اس ناقابلِ تلافی نقصان کو برداشت کرنے کی ہمت اور صبر و تحمل کے لئے دُعا کی۔