جے جے ایم سکیموں اور ایس اے ایس سی آئی ڈیزاسٹر پروگرام کے کاموں کی بروقت تکمیل کی ہدایت دی
جموں//وزیر برائے جل شکتی ، جنگلات و ماحولیات اور قبائلی امور مسٹر جاوید احمد رانا نے آج پبلک ہیلتھ انجینئرنگ ( پی ایچ ای ) اور آبپاشی و فلڈ کنٹرول ( آئی اینڈ ایف سی ) محکموں کی موسم گرما کی تیاریوں کا جائیزہ لینے کیلئے ایک جامع جائیزہ میٹنگ کی صدارت کی تا کہ جموں ڈویژن بھر میںمون سون کے دوران سیلاب سے نمٹنے کے مضبوط انتظام اور پانی کی غیر فعال فراہمی کو یقینی بنانے کا جائیزہ لیا جا سکے ۔ موسم گرما کے مہینوں میں پانی کی کمی سے نمٹنے کیلئے کئے گئے اقدامات کا جائیزہ لیتے ہوئے جاوید رانا نے متعلقہ افسران کو ہدایت دی کہ وہ اس بات کو یقینی بنائیں کہ واٹر سپلائی کی تمام سکیمیں پوری صلاحیت کے ساتھ کام کر رہی ہیں اور احتیاطی دیکھ بھال کا کام پہلے سے مکمل کر لیا گیا ہے ۔ وزیر موصوف نے جے جے ایم اسکیموں پر کام کو جلد مکمل کرنے کی ضرورت پر زور دیا اور افسران کو ہدایت دی کہ وہ گرمی کے عروج سے قبل ان کے بروقت کام کو یقینی بنائیں تا کہ اس کے فوائد بلا تاخیر لوگوں تک پہنچ سکیں ۔ مسٹر جاوید رانا نے افسران کو مزید ہدایت دی کہ وہ جدید اور مقامی طور پر موزوں مداخلتوں پر توجہ مرکوز کرتے ہوئے بارش کے پانی کی ذخیرہ اندوزی اور زیر زمین پانی کو پائیداری چارج کرنے کیلئے ایک جامع ضلع وار ایکشن پلان مرتب کریں ۔ وزیر موصوف نے سیلاب سے نمٹنے کی صورتحال اور خطرے سے دو چار علاقوں میں کی جانے والی تیاریوں کے اقدامات کا جائیزہ لیا اور آنے والے مون سون کے موسم کے دوران خطرات کو کم کرنے کیلئے فعال منصوبہ بندی کی ضرورت پر زور دیا ۔ انہوں نے افسران کو ہدایت دی کہ وہ کسی بھی صورتحال سے نمٹنے کیلئے مکمل طور پر تیار رہنے کیلئے ساختی اور غیر ساختی دونوں اقدامات کو اپنائیں اور بروقت ردِ عمل اور جان و مال کے تحفظ کیلئے موثر تال میل کو یقینی بنائیں ۔ میٹنگ میں محکمہ جل شکتی کے سینئر افسران بشمول ہائیڈرولک سرکلز جموں ، کٹھوعہ اور اودھمپور کے سپرنٹنڈنگ انجینئرز کے علاوہ فلڈ کنٹرول ڈویژن جموں ، اکھنور ، سانبہ اور کٹھوعہ کے ایگزیکٹو انجینئرز نے شرکت کی ۔
