سرجیکل سٹر ائیکس کرکے ہم نے پیغام دیا کہ ملک کو للکارنے کی کوشش کی گئی تو کیسے جواب دیا جائیگا : راجناتھ سنگھ
سرینگر // ملک اور اس کی سرحدیں ’’مکمل طور پر محفوظ‘‘ہیں اور لوگوں کو مسلح افواج پر مکمل اعتماد ہونا چاہئے کا اعلان کرتے ہوئے وزیر دفاع راجناتھ سنگھ نے کہا کہ سرحد پار سرجیکل سٹر ائیکس کرکے ہم نے دنیا کو واضح پیغام دیا کہ کوئی بھی ہمارے ملک کو للکارنے کی کوشش کر یگا اور اس کو اسی کی زبان میں جواب دیا جائے گا ۔ سی این آئی کے مطابق تمل ناڈو میں ایک تقریب سے خطاب میں وزیر دفاع راجناتھ سنگھ نے کہا ’’میں ملک کے لوگوں کو یقین دلانا چاہتا ہوں کہ انہیں ہماری فوج اور سیکورٹی اہلکاروں پر پورا بھروسہ ہونا چاہیے‘‘۔ انہوں نے کہا ’’‘مشرقی لداخ میں کچھ رگڑ پوائنٹس پر ہندوستانی اور چینی فوجیوں کے درمیان ساڑھے تین سال سے زیادہ طویل تصادم ہے یہاں تک کہ دونوں فریقوں نے وسیع سفارتی اور فوجی بات چیت کے بعد متعدد علاقوں سے علیحدگی مکمل کرلی‘‘۔انہوں نے مزید کہا کہ چھ سال تک وزیر دفاع اور اس سے پہلے وزیر داخلہ رہنے کے بعد میں ملک کے لوگوں کو یقین دلانا چاہتا ہوں کہ میں نے جو دیکھا، سمجھا اور اندازہ کیا کہ ہماری سرحدیں اور ہمارا ملک مکمل طور پر محفوظ ہے‘‘۔انہوں نے کہا ’’سرحد پار سرجیکل سٹر ائیکس کرکے ہم نے دنیا کو واضح پیغام دیا کہ کوئی بھی ہمارے ملک کو للکارنے کی کوشش کر یگا اور اس کو اسی کی زبان میں جواب دیا جائے گا ۔‘‘
سنگھ نے اگنویر اسکیم کا دفاع کرتے ہوئے کہا کہ نوجوانوں کو بھرتی کرنے کے نتیجے میں خطرہ مول لینے کا جزبہ بڑھے گا اور ٹیک سیوی مسلح افواج میں اضافہ ہوگا۔انہوں نے کہا ’’ ہر کوئی اس حقیقت کو قبول کرے گا کہ مسلح افواج میں جوانی ہونی چاہیے۔ انہوں نے کہا ’’ ہم نے مناسب خیال رکھا ہے کہ ان کا مستقبل بھی محفوظ ہے۔ ضرورت پڑنے پر ہم تبدیلیاں بھی کریں گے‘‘۔
