مشیر بصیر خان نے خار دار تاروں ، کھمبوں کی تبدیلی پر پیش رفت کا جائیزہ لیا

سرینگر//لفٹینٹ گورنر کے مشیر بصیر احمد خان نے پاور ڈیولپمنٹ ڈیپارٹمنٹ کے افسران کو ہدایت دی کہ وہ کھمبے اور خار دار تاروں کو تبدیل کرنے کے عمل کو تیز کریں تا کہ سردیوں کے موسم سے پہلے ہی یہ کام مکمل ہو جائے ۔ انہوں نے یہ ہدایات سول سیکرٹریٹ میں ایک میٹنگ کے دوران جموں و کیشمیر کے دونوں ڈویژنوں میں خار دار تار اور دیگر مواد کی خریداری کے حوالے سے اہم مسائل کو حل کرنے کے دوران دی۔ اجلاس میں چیف انجینئر ( ڈسٹری بیوشن ) ، چیف انجینئر پروجیکٹس اینڈ پرکیور منٹ کشمیر ، چیف انجینئر ( ڈسٹری بیوشن ) جے پی ڈی سی ایل ، چیف انجینئر جے پی ٹی سی ایل اور چیف انجینئر پروجیکٹس اینڈ پرکیور منٹ جموں نے ویڈیو کانفرنسنگ کے ذریعے میٹنگ میں شرکت کی ۔ مشیر نے جموں ڈویژن کے افسران کو ہدایت دی کہ وہ ڈبل شفٹوں میں کام کریں تا کہ خریداری کا سارا عمل 10 دن مکإ مکمل ہو جائے ۔مشیر نے افسران کو ہدایت دی کہ وہ مواد کی ضروری خریداری کریں اور کام کو مقررہ وقت کے اندر مکمل کرنے کیلئے لیبر لگائیں ۔ اس بات کو برقرار رکھتے ہوئے کہ خار دار تار کی تبدیلی کی اعلیٰ سطح پر نگرانی کی جا رہی ہے ، مشیر نے کہا کہ وہ روزانہ کی بنیاد پر پیش رفت کا جائیزہ لیں گے اور اس سلسلے میں کوئی کوتاہی برداشت نہیں کی جائے گی ۔ چیف انجینئر جموں نے مشیر کو بتایا کہ 87000 کھمبے اور 12551 کلو میٹر خار دار تار کی کُل ضرورت ہے اور اس کی جگہ اس مالی سال کیلئے مقرر کی گئی ہے جس کا عمل پہلے ہی شروع ہو چکا ہے ۔ مشیر نے مزید تمام اضلاع کے ڈپٹی کمشنرز کو ہدایت دی کہ وہ اپنے اپنے اضلاع میں کئے گئے پورے عمل کی طبعی تصدیق کریں ۔ انہوں نے افسران کو مزید ہدایت دی کہ وہ اس عمل میں پی آر آئی کو شامل کریں ۔