کشمیر دستکاری /ہینڈ لوم مصنوعات کو فروغ دینے کیلئے ایکشن پلان بنانے کی ضرورت پر زور دیا
سرینگر //نائب وزیر اعلیٰ مسٹر سریندر کمار چودھری نے کشمیر ہاٹ میں ہتھ کارگھا میلے کا افتتاح کیا جو کہ محکمہ دستکاری ، ہینڈ لوم کشمیر اور ڈیولپمنٹ کمشنر ہینڈ لومز وزارت برائے ٹیکسٹائل حکومت ہند کے زیر اہتمام منعقد کیا گیا ہے ۔ میلے کا افتتاح کرتے ہوئے نائب وزیر اعلیٰ نے ملک بھر میں کشمیر کے دستکاری اور ہینڈ لوم مصنوعات کو فروغ دینے کیلئے ایک بڑی مارکیٹنگ اور برانڈنگ مہم شروع کرنے پر زور دیا ۔ نائب وزیر اعلیٰ نے برانڈ پروموشن کیلئے کشمیر دستکاری اور ہینڈ لوم مصنوعات کو فروغ دینے کیلئے ایکشن پلان بنانے کی ضرورت پر بھی زور دیا ۔ نائب وزیر اعلیٰ نے اسٹالز کے معائینہ کے دوران ویورز اور کاریگروں کے ساتھ بات چیت کی اور کنی شالوں اور سوزنی کے کاموں کی تعریف کی ۔ انہوں نے کہا کہ وزیر اعلیٰ مسٹر عمر عبداللہ کی سربراہی میں موجودہ حکومت کاریگروں کے مستقبل کو محفوظ بنانے کیلئے ہر ضروری اقدام اٹھائے گی ۔ نائب وزیر اعلیٰ نے دستکاری اور ہینڈ لوم ڈیپارٹمنٹ کو بھی ہدایت دی کہ وہ حکومت کے کچھ مطلع شدہ دستکاری جیسے کریویل کے حصول کے امکان پر غور کریں ۔ مسٹر چودھری نے ہینڈ لوم ویورز کیلئے پائیدار مارکیٹ روابط بنانے کی اہمیت پر بھی زور دیا اور قومی اور بین الاقوامی دونوں پلیٹ فارمز میں اس شعبے کو فروغ دینے میں جاری کوششوں کیلئے ڈائریکٹوریٹ کی تعریف کی ۔ مسٹر چودھری نے تمام شہریوں ، سیاحوں ، آرٹ کے ماہر اور پریس کے ممبروں سے اپیل کی کہ وہ میلے کا دورہ کریں اور کشمیر کے ہینڈ لوم کی متحرک اور آرٹسٹری کا تجربہ کریں جو 18 جون 2025 تک عوام کیلئے وقف رہیں گا ۔ میلے میں 60 سے زیادہ ماسٹر ویورز اور ہنر مند کاریگروں کی خصوصیات ہیں جو ہینڈ لوم مصنوعات کا ایک شاندار مجموعہ پیش کر رہے ہیں ، ہر ایک روایت ، مہارت اور شناخت کی ایک انوکھی کہانی بیان کر رہے ہیں ۔ اس موقع پر ڈائریکٹر ہینڈی کارافٹس اور ہینڈ لوم کشمیر ، ڈپٹی ڈائریکٹر ایچ اینڈ ایچ کشمیر ، ڈپٹی ڈائریکٹر ایڈمنسٹریشن ، اسسٹنٹ ڈائریکٹر ویورز سروس سینٹر وزارت ٹیکسٹائل اور اسسٹنٹ ڈائریکٹر ہینڈی کرافٹس، ڈیولپمنٹ کمشنر ہینڈی کارفٹس حکومت ہند اور دیگر اعلیٰ افسران بھی موجود تھے ۔
