بنگال پولیس کے تین عہدیداروں کے خلاف سی بی آئی تحقیقات کا آغاز

کولکا تہ: سنٹرل بیورو آف انویسٹی گیشن (سی بی آئی) کے انسداد بدعنوانی ونگ کے دفتر نے مغربی بنگال پولیس کے تین عہدیداروں کے خلاف تحقیقات شروع کردی ہیں جن پر رشوت ستانی کا الزام ہے۔ تین عہدیداروں میں سے دو ریاستی پولیس کے مجرمانہ تفتیشی محکمہ (سی بی آئی) سے منسلک ہیں۔ حال ہی میں سی بی آئی نے اس معاملے میں ایف آئی آر درج کرنے کے بعد تینوں عہدیداروں کے خلاف تحقیق شروع کیں۔ ورلی پولیس اسٹیشن نے ان عہدیداروں کے خلاف جتیندر نولانی نامی ایک تاجرکی شکایت کے بعد ان پر ایک مقدمہ سے چھٹکارا دلانے کیلئے 20 لاکھ روپے کی رشوت لینے کا الزام عائد کرتے ہوئے ان کے خلاف ابتدائی تفتیش شروع کی تھی۔ ان تین عہدیداروں میں راجرشی بنرجی اور سمیت بنرجی شامل ہیں، دونوں فی الحال سی آئی ڈی سے منسلک ہیں اور ایک مغربی بردوان ضلع کے رانی گنج پولیس اسٹیشن کے انسپکٹر انچارج سدیپ داس گپتا ہیں۔ مہاراشٹر حکومت نے تفتیش سی بی آئی کو منتقل کردی تھی۔