ڈی سیز کو مناسب قیمتوں پر تعمیراتی سامان کی دستیابی کو یقینی بناتے ہوئے کاموں کی بروقت تکمیل پر خصوصی توجہ دینے کو کہا
جموں//چیف سیکرٹری ڈاکٹر ارون کمار مہتا نے ضلع انتظامیہ کے ساتھ منعقدہ ایک میٹنگ کی صدارت کی اور ضلعی ترقیاتی پروجیکٹوں اور دیگر مختلف سرکاری پروگراموں اور اسکیموں کے تحت حاصل ہونے والی پیش رفت کا جائزہ لیا ۔ ہوم ،ہاوسنگ اینڈ اربن ڈیولپمنٹ ، پاور ڈیولپمنٹ ، پبلک ورکس ( آر اینڈ بی ) ، یوتھ سروسز اینڈ سپورٹس ، ٹرانسپورٹ ، جنگلات ، ماحولیات ، ریونیو ، خوراک ، سول سپلائیز اور کنزیومر افئیرز اور ڈیساسٹر منیجمنٹ ، ریلیف کے محکموں کے انتظامی سیکرٹریز تعمیر نو اور بحالی کے علاوہ کشمیر /جموں کے ڈویژنل کمشنروں ، تمام اضلاع کے ڈپٹی کمشنروں اور متعلقہ ایچ او ڈیز نے میٹنگ میں شرکت کی ۔ ضلع کیپکس کے تحت کئے جانے والے ترقیاتی کاموں کے سابقہ جائزے کو جاری رکھتے ہوئے چیف سیکرٹری نے شناخت شدہ کاموں کے الاٹمنٹ پر تشویش کا اظہار کیا اور ان کاموں پر جلد عمل درآمد شروع کرنے کی درخواست کی ۔ چیف سیکرٹری نے پٹاخوں کی فروخت کو ریگو لیٹ کرنے کے سپریم کورٹ کے حکم کا حوالہ دیا جس کیلئے محکمہ جنگلات نے نتیجہ خیز احکامات بھی جاری کئے ہیں اور ڈپٹی کمشنرز سے کہا کہ وہ کووڈ کے مناسب رویے اور متعلقہ ایس او پیز اور پروٹوکول کو نافذ کرنے کے علاوہ ان کو مکمل طور پر نافذ کریں ۔ مزید براں چیف سیکرٹری نے تمام اضلاع میں مختلف معمولی معدنیات کے مروجہ بازاری نرخوں کا جائیزہ لیا اور ڈویژنل کمشنروں کو ہدایت دی کہ وہ مرکزی زیر انتظام علاقے میں مناسب نرخوں پر تعمیراتی سامان کی دستیابی کو یقینی بنانے کیلئے قیمتوں کی سختی سے نگرانی کریں ۔ اسی طرح ضلعی انتظامیہ کو ہدایت دی گئی کہ وہ کموڈٹی پرائس مانیٹرنگ میکنزم کو فعال کریں تا کہ اشیائے ضروریہ کی مطلع شدہ نرخوں پر فروخت کو یقینی بنایا جا سکے ۔ چیف سیکرٹری نے ہاوسنگ اینڈ اربن ڈیولپمنٹ ڈیپارٹمنٹ اور دیہی ترقی کے محکمے سے مزید کہا کہ وہ سائنسی طور پر کچرے کو الگ کرنے اور ٹھکانے لگانے پر خصوصی توجہ دیتے ہوئے وارڈ/گاؤں کی سطح پر صفائی کے منصوبوں کی تشکیل کو تیز کریں ۔
