جموں//چیف سیکرٹری مسٹر اتل ڈولو نے سول سیکرٹری میں لفٹینٹ جنرل نوین سچدیوا ، اے وی ایس ایم ، ایس ایم ، جی او سی 16 کارپس کے ذریعہ جموں میں واقع نگروٹہ میں مقیم سابق فوجیوں کے مطالبات کو غور سے سُنا ۔ اس موقع پر پرنسپل سیکرٹری محکمہ داخلہ چندراکر بھارتی ، برگیڈئیر کپل تنیجا ، وی ایس ایم ، برگیڈئیر اے 16 کارپس ، برگیڈئیر گرمیت سنگھ شان ، ڈائریکٹر راجیہ سینک بورڈ اور کرنل تیجس بی کنڈیڈ ، ایس ایم ، کرنل جی ایس ایچ آر 16 کارپس بھی موجود تھے ۔ چیف سیکرٹری کے ساتھ اٹھائے جانے والے کچھ بنیادی مطالبات میں کیڈر کے مناسب انتظام کے لئے جے اینڈ کے کے تمام سابق فوجیوں کے ڈیٹا بیس کی تالیف اور مکمل ڈیجٹلائیزیشن شامل ہے اور اس کے علاوہ اولاد کے ریکارڈ کی حفاظت اور آسانی سے دیکھ بھال بھی شامل ہے ۔ انہوں نے اپنی خدمات کے آخری سال میں انہیں ’ سابق فوجیوں ‘ کوٹہ کے تحت سرکاری ملازمتوں کیلئے درخواست دینے کی منظوری کیلئے بھی کہا کیونکہ بھرتی کے عمل میں اس کی تکمیل میں کچھ مہینے لگتے ہیں جس سے انہیں اپنی خدمات کے مدت کے اختتام پر شامل ہونے کا موقع مل جاتا ہے ۔ کچھ دیگر مطالبات جو انہوں نے چیف سیکرٹری کے ساتھ اٹھائے تھے وہ ہر ضلع میں ضلع سینک ویلفئر آفیسرز کے عہدوں کو پُر کرنے کے علاوہ ویر ناریس کے حق میں معاش کے مواقع کے لحاظ سے کچھ اور فلاحی اقدامات تھے ۔
چیف سیکرٹری نے ان تمام مطالبات کو دھیان سے سُنا ۔ انہوں نے معاشرے کے اس حصے کے بارے میں اپنی وابستگی کا خاکہ پیش کیا جس نے قوم کے اعزاز اور خود مختاری کے تحفظ کیلئے اپنی زندگی گذار دی تھی ۔ انہوں نے انہیں یقین دلایا کہ حکومت مختلف سرکاری اسکیموں کے تحت انہیں خود روز گار کے مناسب مواقع دینے کے اختیارات کی کھوج کرے گی اور یہاں سرکاری ملازمت کے مختلف مواقع سے فائدہ اٹھانے میں ان کے مسائل کو بھی حل کرے گی ۔ چیف سیکرٹری نے شکایت کے حل میں مزید کارکردگی لانے کیلئے انہیں مشورہ دیا کہ وہ اپنی شکایات کی رجسٹریشن کیلئے ’ جے کے سمادھان ‘ پورٹل کو بروئے کار لائیں جو وہ وقتاً فوقتاً اٹھانا چاہتے ہیں ۔ مسٹر ڈولو نے محکمہ داخلہ کو ان تمام مطالبات پر ہمدردی سے غور کرنے اور ان کو حل کرنے کیلئے اقدامات اٹھانے کیلئے کہا ۔ انہوں نے انہیں یقین دلایا کہ یو ٹی حکومت جے اینڈ کے کے تمام سابق فوجیوں کے حق میں ریٹائیر منٹ کے بعد کی خوشگوار زندگی کو یقینی بنانے کیلئے ہر ممکن اقدام اٹھائے گی ۔
