چئیر مین سیف یوتھ سیف فیوچر فاؤنڈیشن کی لفٹینٹ گورنر سے ملاقات

سرینگر//چئیر مین سیف یوتھ سیف فیوچر فاؤنڈیشن مسٹر وجاہت فاروق بھٹ نے آج لفٹینٹ گورنر مسٹر منوج سنہا سے ملاقات کی ۔ ان کے ساتھ وومن ونگ ہیڈ انیکا نذیر اور ساؤتھ کشمیر زونل صدر مسٹر مدصر احمد ڈار اور فاؤنڈیشن کے پرویژنل سپورٹس کوارڈینیٹر مسٹر شیخ تجمل بھی تھے ۔ مسٹر بھٹ نے لفٹینٹ گورنر کو مہارت کی نشو و نما ، نوجوانوں کے سہولت مراکز ، خواتین کو بااختیار بنانے ، کھیلوں کے بنیادی ڈھانچے میں اضافہ اور سیاحت ، ورثہ کی آگاہی اور مقامی کاریگری کو فروغ دینے کیلئے کشمیر کے ثقافتی اور تاریخی نشانیوں کے تحفظ سے متعلق مختلف اہم امور سے آگاہ کیا ۔