انہدامی مہم کے تحت ایک درجن سے زائید ڈھانچے مسمار، تعمیراتی مٹیریل ضبط
سرینگر// مہشور سیاحتی مقام پہلگام میں غیر قانونی طریقے سے تعمیرات کھڑا کرنے والوں کے خلاف کارروائی کرتے ہوئے پہلگام ڈیولپمنٹ اتھارٹی (پی ڈی اے) نے آج کئی ڈھانچوں، مکانوں کومسمار کیا ہے۔ اس سلسلے میں چیف ایگزکیٹوافیسر نے بتایا کہ لوگوں کو اگر کسی بھی ڈھانچے کی تجدید ومرمت کا کام انجام دینا ہوگا تو وہ محکمہ سے رابطہ کرکے باضابطہ اجازت نامہ حاصل کریں۔ انہوںنے کہا کہ کسی بھی جگہ نئی تعمیرات یا دریائے لدر کے کنارے تعمیر کھڑا کرنے پر محکمہ نے روک لگائی ہے جس پر سختی سے عمل کیا جارہا ہے۔ وائس آف انڈیا کے نمائندے امان ملک کے مطابق مورہ ، بٹکوٹ، ینڈ میں غیر قانونی طریقے سے تعمیرات کھڑاکرنے کے خلاف محکمہ پہلگام ڈیولپمنٹ اتھارٹی کی جانب سے کارروائیاں جاری ہے۔ آج سوموار کو بھی تازہ کارروائی میں چیف ایگزکیٹو آفیسر پہلگام طاریق احمد نایک کی قیادت میںں مورہ ، بٹکوٹ اور ینڈ میں ایک درجن سے زائید ڈھانچوں کو مسمار کیا گیا جس کو غیر قانونی طریقے سے تعمیرکیاجارہا تھا۔ اس کے علاوہ تعمیراتی مٹیریل بھی ضبط کیا گیا جو غیر قانونی طور پر استعمال کیا جا رہا تھا اس ضمن میں نمائندے کے ساتھ چیف ایگزیکٹو آفیسر(سی ای او) پی ڈی اے طاریق احمد نایک نے بتایا کہ پہلگام میں کسی بھی طرح کی غیر قانونی تعمیراتی سرگرمی پر پابندی عائد کردی گئی ہے اور اس کا اطلاق برابر کیاجارہاہے۔ انہوںنے کہاکہ البتہ اگرکسی بھی جگہ کسی کوبھی رہائشی یا تجارتی عمارت کی لازمی تجدید ومرمت کی ضرورت ہوگی تو وہ محکمہ کے پاس آئیں اور باضابطہ اجازت نامہ حاصل کریں۔ انہوںنے کہا کہ محکمہ لوگوں کے ساتھ کوئی ظلم نہیں کرے گا جس کو کسی بھی مرمت کی ضرورت ہوگی تو اس کو اجازت دی جائے گی۔ انہوںنے کہاکہ گزشتہ ایک سال سے قریب سات سو اسی طرح کی درخواستوں کواجازت دی جاچکی ہے۔ انہوںنے نمائندے کو بتایاکہ لوگ درخواست لیکر آئیں اور غیر قانونی اور چوری چھپے کسی بھی طرح کی غیر قانونی تجاوزات کی تعمیر کوانجام نہ دیں۔
