وزیر اعلیٰ کا کشتواڑ حادثے میں جانوں کی ضیاع پر اِظہارِ افسوس

جموں / /وزیرا علیٰ عمر عبداللہ نے آج ضلع کشتواڑ کے پڈر علاقہ سنیاس میں ایک حادثے میں چار اَفراد کی موت پر گہرے دُکھ کا اِظہار کیا ہے۔اُنہوںنے اِس واقعے کو قیمتی اِنسانی جانوں کا بڑا نقصان قرار دیتے ہوئے سوگوار کنبوں کے ساتھ دلی اِظہارِ تعزیت کی۔ اُنہوں نے دُکھ کی اِس گھڑی میں اُن کے لئے طاقت اور حوصلے کی دعا کی۔وزیراعلیٰ نے یقین دِلایا کہ ان کا دفتر ضلعی اِنتظامیہ کے ساتھ مسلسل رابطے میں ہے جو حادثے کے بعد لاپتہ ہوئے دو اَفراد کی تلاش کے لئے ہر ممکن کوشش کر رہا ہے۔