بدقسمتی سے پچھلے 35 سالوں سے جموں و کشمیر نے ملک کی ترقی کیلئے ہزاروں جانیں قربان کی / وزیر اعلیٰ عمر عبد اللہ
سرینگر // وزیر اعظم نریندر مودی پر جموں و کشمیر کے ریاستی درجہ کی بحال سے متعلق اپنے وعدوں کو پورا کرنے پر زور دیتے ہوئے جموں کشمیر کے وزیر اعلیٰ عمر عبد اللہ نے کہا کہ سونہ مرگ ٹنل پروجیکٹ پر وزیر اعظم مودی کی موجودگی ان لوگوں کیلئے واضح پیغام ہے جو جموں و کشمیر کی ترقی، امن اور جمہوریت نہیں چاہتے کہ وہ کامیاب نہیں ہوں گے اور انہیں یہاں سے شکست کا منہ دیکھنا پڑے گا۔سی این آئی کے مطابق سونمرگ ٹنل کے افتتاح کے بعد اپنے افتتاحی خطاب میں وزیر اعلیٰ عمر عبد اللہ نے گزشتہ سال عہدہ سنبھالنے کے بعد سرینگر میں اپنی تقریر کے دوران کیے گئے تین میں سے دو وعدوں کو پورا کرنے پر وزیر اعظم مودی کی تعریف کی۔ عمر عبد اللہ نے اپنے خطاب کے دوران وزیر اعظم مودی سے کہا ’’دہلی کی دوری‘‘ کے ساتھ ساتھ جموں و کشمیر میں اسمبلی انتخابات کے انعقاد سمیت دو وعدے آپ نے پورے کئے ہیں اور کہا کہ ریاست کی بحالی کا تیسرا وعدہ پورا نہیں ہوا۔ پھر بھی اور یہاں کے لوگ آپ سمیت میڈیا والے عموماً اس سے متعلق سوال پوچھتے ہیں۔ انہوں نے کہا کہ میرا دل یقین رکھتا ہے کہ آپ کی طرف سے یہ وعدہ بھی جلد پورا ہو جائے گا۔اس سے قبل وزیر اعلیٰ نے اپنی افتتاحی تقریر کا آغاز ایک ڈاکٹر سمیت سات افراد کو یاد کرتے ہوئے کیا جو گزشتہ سال اکتوبر میں گگن گیر میں ایک حملے میں مارے گئے تھے۔ یہ سات افراد سونمرگ ٹنل کے کام میں ملوث تھے۔عمر عبد اللہ نے کہا کہ انہوں نے اس منصوبے اور اس قوم کی ترقی کیلئے اپنی جانیں قربان کیں۔ انہوں نے کہا ’’ بدقسمتی سے پچھلے 35 سالوں سے، جموں و کشمیر کے لوگوں نے اس ملک کی ترقی کے لیے اپنی جانیں قربان کی ہیں۔ میں اس پارٹی سے تعلق رکھتا ہوں جس نے اس قوم کے لیے بہت قربانیاں دی ہیں‘‘۔انہوں نے مزید کہا کہ یہ پروجیکٹ وزیر اعظم مودی کی موجودگی ان لوگوں کے لیے واضح پیغام ہے جو جموں و کشمیر کی ترقی، امن اور جمہوریت نہیں چاہتے کہ وہ کامیاب نہیں ہوں گے اور انہیں یہاں سے شکست کا منہ دیکھنا پڑے گا۔
