دونوں رہنمائوں نے جموں و کشمیر اور ملک میں مسلم کمیونٹی سے متعلق مسائل پر تبادلہ خیال کیا
سرینگر /// نیشنل کانفرنس کے رکن پارلیمنٹ آغا سید روح اللہ مہدی نے نئی دہلی میں حریت کانفرنس کے چیرمین میر واعظ عمر فاروق سے دہلی میں ملاقات کی۔ملاقات کے دوران دونوں رہنماؤں نے وقف ترمیمی بل، ملک میں مسلمانوں کی حالت زار، 5 اگست 2019 کے بعد کشمیر کی صورتحال اور دیگر مسائل کے بارے میں بھی بات کی۔سی این آئی کے مطابق نیشنل کانفرنس کے رکن پارلیمنٹ آغا سید روح اللہ مہدی اور حریت کانفرنس کے چیرمین میر واعظ عمر فاروق کے درمیان نئی دہلی میں ملاقات ہوئی ۔ دونوں رہنماؤں کے قریبی ذرائع نے بتایا کہ مہدی نے میرواعظ سے ملاقات کی اور جموں و کشمیر اور ملک میں مسلم کمیونٹی سے متعلق مسائل پر تبادلہ خیال کیا۔خیال رہے کہ میرواعظ 24 جنوری کو وقف بل پر مشترکہ پارلیمانی کمیٹی سے ملاقات کے بعد سے دہلی میں ہیں۔ذرائع نے بتایا کہ دونوں سیاسی قائدین، جن کا تعلق سیاسی میدان کے ایک دوسرے سے ہے، نے ایک گھنٹہ سے زیادہ طویل بات چیت کی جس میں دفعہ 370 کی منسوخی کے بعد جموں و کشمیر کی صورت حال، ریاستی حیثیت کی بحالی اور سیاسی قیدیوں کی رہائی سمیت وسیع مسائل پر بات چیت ہوئی۔ذرائع نے مزید کہا’’دونوں رہنماؤں نے وقف ترمیمی بل، ملک میں مسلمانوں کی حالت زار، 5 اگست 2019 کے بعد کشمیر کی صورتحال اور دیگر مسائل کے بارے میں بھی بات کی‘‘ ۔خبر رساں ادارہ پی ٹی آئی کے مطابق میرواعظ نے اعتراف کیا کہ این سی لیڈر نے ان سے سابق چیف مبلغ کی حیثیت سے ملاقات کی تھی۔انہوں نے کہا’’ہاں، وہ (مہدی) مجھ سے ملنے آئے تھے۔ وہ پارلیمنٹ کے اجلاس کے لیے دہلی میں ہیں اور یہ میر واعظ کے طور پر مجھ سے ایک شائستہ ملاقات تھی‘‘۔
