لیفٹیننٹ گورنر نے بان گنگا میں ’ شبھرا بھون‘ اور ریلو ے سٹیشن کٹراہ میں یاتری سہولیت مرکز عقیدتمندوں کے نام وقف کیا
جموں//لیفٹیننٹ گورنر منوج سِنہا نے راج بھون میں شری ماتا ویشنو دیوی شرائین بورڈ (ایس ایم وِی ڈِی ایس بی) کی 73 ویں میٹنگ کی صدارت کی۔میٹنگ میں بورڈ کے ممبران نے شرکت کی۔ شری بلیشور رائے، ڈاکٹر اشوک بھان، شری کل بھوشن آہوجا، ڈاکٹر نیلم سرین، شری کے کے شرما، شری سریش کمار شرما اور شری رگھو کے مہتا۔ میٹنگ میں بورڈ کے ممبران مہامندلیشور سوامی وشویشورانند گری جی مہاراج ،شری بالیشور رائے، ڈاکٹر اشوک بھان، شری کلبھوشن آہوجا، ڈاکٹر نیلم سرین،شری کے کے شرما، شری سریش کمار شرما اور شری رگھو کے مہتانے شرکت کی۔ڈاکٹر مندیپ کے بھنڈاری، لیفٹیننٹ گورنر کے پرنسپل سکریٹری اور ایس ایم وی ڈی ایس بی کے سی ای او ایس انشول گرگ نے بھی میٹنگ میں شرکت کی۔میٹنگ میں لیفٹیننٹ گورنر کے پرنسپل سیکرٹری ڈاکٹر مندیپ کے بھنڈاری اور سی اِی او ایس ایم وی ڈی ایس بی کے انشل گرگ نے بھی شرکت کی۔ اِس موقعہ پر لیفٹیننٹ گورنر نے ریلوے سٹیشن کٹرا ہ میں یاتری سہولیت مرکز اور بن گنگا میں یاتری سہولیت کم سٹاف رہائش کمپلیکس (شبھرا بھون) سمیت یاتریوں سے متعلق مختلف سہولیات کا اِفتتاح کیااور اُنہیں وقف کیا۔اُنہوں نے بھون میں نئے ایگزٹ ٹریک کا اِی۔ سنگ بنیاد رکھا جس کا مقصد بھون علاقے میں رش کو کم کرنا ہے اور بورڈ کی آفیشل ویب سائٹ پر ای آر پی (انٹرپرائز ریسورس پلاننگ) سسٹم اورآرٹیفیشل اِنٹلی جنس سے چلنے والی چیٹ بوٹ ’شکتی”‘ سمیت شرائین بورڈ کے ڈیجیٹل اَقدامات کا بھی آغاز کیا۔ بورڈ پنچنگ کیلنڈر 2025 اور شری ماتا ویشنو دیوی شرائین بورڈ کی ڈائری بھی جاری کی گئی۔بورڈ نے اپنے ماضی کے فیصلوں کا جامع اور تنقیدی جائزہ لیا، اپنی گزشتہ میٹنگ کے بعد اُٹھائے گئے اَقدامات کی توثیق کی اور 25 اہم ایجنڈا آئٹمز کے خلاف متعدد نئے فیصلے کئے جس سے بورڈ کے کام کاج اور یاتریوں کی خدمات میں اضافے پر دُور رَس اثرات مرتب ہوں گے۔ بورڈ کے نئے اور جاری پروجیکٹوں کے سلسلے میں دُرگا بھون سے منوکمنا (بھون علاقے کے ماسٹر پلان کا ایک حصہ) تک ایگزٹ ٹریک کی تعمیر، کٹرا ہ کے گاؤں ہٹ میں شری شیو کھوری شرائین بورڈ کے تعاون سے ہیلی پیڈ کی ترقی، ضلع ریاسی میں مندروں کی تعمیر ، ککریال وغیرہ میں بورڈ کے میڈیکل کالج کے آپریشنل ہونے کے منصوبوں اور صورتحال کا جائزہ جیسے اہم فیصلے لئے گئے۔بورڈ نے مختلف خدمات جیسے جموں بھون ۔جموں ہیلی سروس، دُرگا بھون میں سمارٹ لاکرز، رام مندر کے قریب وشرام گھر، جن اوشدھی کیندر، ہیلتھ اے ٹی ایم، نیو یگی شالا میں ہاون اور نو چندی پاتھ، غسل گھاٹ کے قریب ورچیول درشن سہولیت، ادھکواری میں گربھجون آرتی درشن اور لنگر سیوا جیسی مختلف خدمات کا تفصیلی جائزہ لیا اور مناسب ہدایات جاری کیں۔ بورڈ نے اِس اعتماد کا اِظہار کیا کہ منظور شدہ خدمات کی بغیر کسی رُکاوٹ کی فراہمی یقینی طور پر پوتر شرائین پر آنے والے عقیدتمندوں کے مجموعی تجربے اور آرام میں اضافہ کرے گی۔ چیئرمین شری ماتا ویشنو دیوی شرائین بورڈ لیفٹیننٹ گورنر نے تمام خدمات کی شفافیت اور کارکردگی کو بہتر بنا کر یاتریوں کو شاندار تجربہ فراہم کرنے کے شرائین بورڈ کے عزم کا اعادہ کیا۔اُنہوں نے خدمات، سیکورٹی اور ڈیزاسٹر مینجمنٹ کے تفصیلی تجزیے ،موبائل رابطے کو مضبوط بنانا اوریاتریوں کی رائے کے طریقہ کار کو بڑھانے کی ہدایت دی۔میٹنگ میں جیولوجیکل سروے آف اِنڈیا (جی ایس آئی) اور ٹی ایچ ڈی سی اِنڈیا لمیٹڈ (ٹی ایچ ڈی سی آئی ایل) کے ساتھ سہ فریقی مفاہمت نامے (ایم او یو) کو منظوری دی گئی جس کا مقصد ادھکواری اور بھون کے درمیان یاترا روٹ پر لینڈ سلائیڈنگ اور چٹان گرنے کے خطرے سے دوچار ڈھلوانوں کی نشاندہی کرنا اور ان کاتدارک کرنا ہے۔ یہ تعاون غیر مستحکم ڈھلوانوں سے وابستہ خطرات کو کم کرکے یاتریوں کی حفاظت کو یقینی بنانے پر توجہ مرکوز کرے گا۔بورڈ نے بھون میں بیٹری کار پوائنٹ کے قریب بھیڑ بھاڑ کے مسائل کو حل کرنے کے لئے پاروتی بھون کے سامنے بیٹری کاروں کے لئے مخصوص پارکنگ کی سہولیت تیار کرکے علاقے کے بنیادی ڈھانچے کو بہتر بنانے کے اَقدامات کو منظوری دی۔ یہ بیٹری کاروں کو چلانے کے لئے ایک آسان اور منظم جگہ فراہم کرے گا، رش کو کم کرے گا اور علاقے کے مجموعی ماحول کو بہتر بنائے گا۔بورڈ نے سنجی چھات ائیریا کے لئے ماسٹر پلان کی بھی منظوری دی جس میں رہائش ، بیت الخلأ ، واٹر پوائنٹس ، فوڈ پوائنٹس ، کیو مینجمنٹ ، ہولڈنگ ائیریا وغیرہ جیسے اہم شعبوں میں اِضافہ کیا جائے گا۔
بورڈ نے مشاہدہ کیا کہ شرائین بورڈ نے ہسپتال، یونیورسٹی، نرسنگ کالج اور میڈیکل کالج جیسی سہولیات پیدا کرکے ککریال کے علاقے کو نمایاں طور پر ترقی دی ہے اور سی ای او سے خواہش کی کہ وہ ان سہولیات سے وابستہ ملازمین کی تعلیمی ضروریات کو پورا کرنے کے طریقوں کو تلاش کریں۔میٹنگ میں جاری کاموں کی پیش رفت کا بھی جائزہ لیا گیا اور یاترا کی سہولیت کیلئے تمام منصوبوں کی بروقت تکمیل پر زور دیا گیا۔ اِس سلسلے میں اہم منصوبوں میں بھون میں نیا ویشنوی بھون، ادھکواری میں کور ڈہولڈنگ ائیریا، بھون میں منوکمنا علاقے کا ایگزٹ ٹریک اینڈ ری ماڈلنگ، درشنی دیوڈی میں کیو کمپلیکس، بان گنگا اور کاٹیج (سپورٹس سٹیڈیم کے قریب) کٹراہ شامل ہیں۔بورڈ نے شرائین کے مختلف شعبوں میں شرائین کی خوبصورتی اور ماحول کو بہتر بنانے کے لئے شروع کئے گئے لائٹنگ منصوبے کو سراہا اور تین گپھائوں کے اندر اور شرائین کے احاطے میں ایل اِی ڈِی اور آپٹک فائبر لائٹنگ کے امتزاج کے ذریعے اتکاکے علاقے میں پرانے گپھاکے احاطے میں روشنی کی تزئین و آرائش کی منظوری دی۔بورڈ نے شری ماتا ویشنو دیوی چیئرٹیبل سوسائٹی کے لئے اضافی گرانٹ اِن ایڈ کو بھی منظوری دی تاکہ میڈیکل کالج ، ہسپتال ، گوروکل ، سپورٹس کمپلیکس اور کالج آف نرسنگ جیسے بورڈ کے مضافاتی اِداروں کو چلانے میں مدد مل سکے جن کا انتظام ایس ایم وِی ڈی چیئرٹیبل سوسائٹی کے ذریعہ کیا جاتا ہے۔اِس سے قبل ایس سی اِی او ایم وی ڈی ایس بی انشل گرگ نے شرائین بورڈ کی مختلف سرگرمیوں اور بورڈ کی گزشتہ میٹنگوں کے مختلف فیصلوں پر عمل درآمد کے سلسلے میں کی گئی کارروائی کے بارے میں تفصیلی پرزنٹیشن دی۔بان گنگاکٹرا ہ میں 6.50 کروڑ روپے کی لاگت سے تعمیر کئے گئے ’شبھرا بھون ‘میں ڈیزاسٹر مینجمنٹ کے لئے ہولڈنگ ائیریا، آرام دہ اور کشادہ ویٹنگ لاؤنج، دودھ پلانے والی ماؤں کا زون، ایک سینٹرلائزڈ اِنفارمیشن اینڈ رجسٹریشن سینٹر، سووینئر شاپ، ریفریشمنٹ کیوسک، بینک اور واٹر اے ٹی ایم وغیرہ شامل ہیں۔ ایک اچھی طرح سے لیس ڈیزاسٹر مینجمنٹ سٹور شبھرا بھون کی ایک اہم خصوصیت ہے جو ’ ایمرجنسی ردعمل اور آفات کو کم کرنے کے لئے ایک اہم وسائل‘ کے طور پر کام کرے گا۔
