لوہڑی اور مکر سنکرانتی کے موقع پر لفٹینٹ گورنر کا پیغام

جموں//لفٹینٹ گورنر مسٹر منوج سنہا نے 13 جنوری کو منائے جانے والے لوہڑی اور 14جنوری کو منائے جانے والے مکر سنکرانتی کے تہواروں کے موقع پر عوام کو مبارکباد دی ہے ۔ اپنے پیغام میں لفٹینٹ گورنر نے کہا ’’ لوہڑی اور مکر سنکرانتی کے بابرکت موقع پر میں سب کو گرمجوشی سے مبارکباد اور نیک خواہشات پیش کرتا ہوں اور ان کی صحت ، خوشی اور خوشحالی کی دعا کرتا ہوں ۔ میں دعا گو ہوں کہ یہ تہواروں کا موسم اور آنے والا سال امن اور خوشی سے بھر پور ہو اور ہمیں سب کی ترقی اور بہبود کیلئے کام کرنے کی ترغیب دے ۔ یہ تہوار جو نئی فصل کی خوشی ، ہمارے کسانوں کی انتھک محنت اور فطرت کی سخاوت کو خراجِ تحسین پیش کرتے ہیں ، قوم کیلئے نئی خوشحالی ، ترقی اور پیش رفت کا آغاز کریں ۔ ‘‘