بجلی کی بندش سے چارجنگ میں رکاوٹ پیدا ہوتی ہے۔ متعلقہ حکام
سرینگر//سرینگر میں برفباری کی وجہ سے سمارٹ بس خدمات بھی بُری طرح سے متاثر ہوئی ہے اور جمعہ کی شام سے ہی گاڑیاں سڑکوںسے غائب ہوچکی ہیں جبکہ متعلقہ حکام نے دعویٰ کیا ہے کہ بجلی کی عدم دستیابی کی وجہ سے گاڑیوں کی بیٹریاں چارج نہیں ہوسکی ہے جس کی وجہ سے گاڑیوں کی نقل و حمل متاثر ہوئی ہے ۔و ائس آف انڈیا کے مطابق حالیہ برف باری نے سری نگر میں اسمارٹ سٹی بسوں کے آپریشن کو بری طرح متاثر کیا ہے۔ذرائع کے مطابق سری نگر شہر اور اس کے مضافات میں سمارٹ سٹی بسوں کا آپریشن متاثر ہوا، تمام بسیں سڑکوں سے غائب رہنے سے لوگوں کو پریشانی کا سامنا کرنا پڑا۔اسی طرح سری نگر اسمارٹ سٹی لمیٹڈ کے عہدیداروں نے کہا کہ شہر میں اسمارٹ سٹی بس آپریشن متاثر ہوا ہے۔انہوں نے کہا کہ رات کے وقت شدید برف باری ہونے کی وجہ سے پانتھا چوک اسٹیشن پر بجلی غائب تھی جس کی وجہ سے بسیں چارج نہیں ہو سکیں۔ انہوں نے کہا، “اب، جیسا کہ صورتحال قابو میں ہے، ہم نے چند بسوں کو چارج کرنے میں کامیاب کیا، اور امید ہے کہ شام تک وہ سڑکوں پر چلائی جائیں گی۔یہ امر قابل ذکر ہے کہ برف باری کے باعث تمام پروازیں منسوخ کی جاچی ہیںاور اہم سڑکیں بندہیں۔
