بی ایس ایف ہمیشہ کی طرح پوری بین الاقوامی سرحد پر انتہائی چوکسی اور سیکورٹی کو برقرار رکھے ہوئے ہیں / ڈی کے بورا
سرینگر // جدید ٹیکنالوجی کے ساتھ بین الاقوامی سرحد پر ڈرون کی سرگرمیوں میں بڑی حد تک کمی آئی ہے کی بات کرتے ہوئے بی ایس ایف کے انسپکٹر جنرل جموں فرنٹیئر، ڈی کے بورا نے کہا کہ بی ایس ایف ہمیشہ کی طرح پوری بین الاقوامی سرحد پر انتہائی چوکسی اور سیکورٹی کو برقرار رکھے ہوئے ہے۔سی این آئی کے مطابق جموں میں 60 ویں یوم تاسیس کے موقع پر میڈیا کے نمائندوں سے بات کرتے ہوئے آئی جی بی ایس ایف جموں ڈی کے بورا نے کہا کہ بین الاقوامی سرحد پر اینٹی ڈرون سسٹم برقرار ہے اور ٹیکنالوجی کی تنصیب کی گئی ہے۔ ہر طرف سے ڈرون سرگرمیاں کم کر دی گئیں۔انہوں نے مزید کہا کہ بین الاقوامی سرحد پر دراندازی کا مقابلہ کرنے کیلئے جدید ٹیکنالوجی کا استعمال بھی اچھی طرح سے کیا گیا ہے اور موسم سرما کے طریقہ کار کے ایک حصے کے طور پر سیکورٹی گرڈ کو بڑھانے کے لیے جموں فرنٹیئر میں اضافی دستے بھی تعینات کیے گئے ہیں۔آئی جی نے کہا کہ تکنیکی نگرانی کو بڑھایا جا رہا ہے اور بہت جلد پورا سرحدی علاقہ فزیکل اور تکنیکی نگرانی میں ہو جائے گا۔ انہوں نے کہا ’’ہائی ٹیک ہتھیاروں سے لیس ہے اور سرحدوں پر ٹیکنالوجی سے لیس ہے‘‘۔روہنگیا کی مشتبہ نقل و حرکت یا سرحدی علاقوں میں آبادکاری کے بارے میں انہوں نے کہا کہ جموں فرنٹیئر میں سرحد کے قریب غیر قانونی تارکین وطن (روہنگیا) کے آباد ہونے کی کوئی اطلاع نہیں ہے۔ انہوں نے مزید کہا کہ بی ایس ایف ہمیشہ کی طرح پوری بین الاقوامی سرحد پر انتہائی چوکسی اور سیکورٹی کو برقرار رکھے ہوئے ہے۔اس سال بازیابی اور دراندازی کی کوششوں پر، آئی جی بی ایس ایف نے کہا کہ بی ایس ایف پاکستان کے ساتھ لگ بھگ 192 کلومیٹر بین الاقوامی سرحد کی دیکھ بھال کر رہا ہے اور لائن آف کنٹرول کے ساتھ ساتھ ہندوستانی فوج کے ساتھ بھی تعینات ہے۔انہوں نے کہا’’اس سال ہم منصب کی طرف سے کئی طرح کے چیلنجوں کا مشاہدہ کیا گیا جیسے ڈرون سرگرمیاں، اسمگلنگ کی کوششیں اور بلا اشتعال فائرنگ، لیکن اپنی روایت کے مطابق، بی ایس ایف جموں نے کامیابی کے ساتھ تمام مخالفانہ کوششوں کو ناکام بنایا اور ان کے مذموم عزائم کو ناکام بنا دیا‘‘۔انہوں نے یہ بھی کہا کہ اس سال دو پاکستانی دراندازوں کو ہلاک اور دو کو گرفتار کیا گیا، جب کہ تقریباً 7.659 کلو گرام منشیات بھی ضبط کی گئی۔
