مشن یووا ، پی ایم سوریہ گھر اور ایچ اے ڈی پی سکیموں کو فروغ دینے کیلئے بارہمولہ میں میگا آئی اِی سی مہم کا آغاز
بارہمولہ/ / وزیربرائے زرعی پیداوار، دیہی ترقی و پنچایتی راج جاوید احمد ڈار نے ضلع ترقیاتی کمشنر بارہمولہ منگا شیرپا کی موجودگی میں آج ڈاک بنگلو، چجھامہ رفیع آباد میں ایک میگا اِنفارمیشن، ایجوکیشن اینڈ کمیونی کیشن (آئی اِی سی) مہم کا آغاز کیاجس کا مقصدجامع زرعی ترقیاتی پروگرام( ایچ اے ڈی پی)، پی ایم سوریہ گھر یوجنا اور مشن یووا پروجیکٹ سمیت حکومت کے زیر اہتمام مختلف اقدامات کے بارے میں وسیع پیمانے پر بیداری پیدا کرنا ہے۔اِسی طرح کی آئی اِی سی مہمات ضلع بھر میں سب ڈویژن اور تحصیل سطح پر بھی منعقد کی گئیں جہاں متعلقہ حلقوں کے ممبران قانون ساز اسمبلی نے اِن سکیموں کے فوائد کے بارے میں عوام کو بااِختیار بنانے کے لئے اِن پروگراموں کی قیادت کی۔اِس مہم میں مقامی آبادی بشمول نمائندوں اور دیگرشراکت داروں کی جانب سے زبردست ردِّعمل دیکھنے میں آیا جس سے انہیں اَپنی معاشی ترقی کے لئے اِن سکیموں سے بھرپور فائدہ اُٹھانے کے لئے بااِختیار بنایا گیا۔تقریب کا آغاز جاوید ڈار اور ضلع ترقیاتی کمشنر بارہمولہ نے مختلف سرکاری محکموں کی جانب سے لگائے گئے معلوماتی سٹالوں کا معائینہ کرنے ،سکیموں، ان کے مقاصد اور فوائد حاصل کرنے کے طریقۂ کار کے بارے میں تفصیلی معلومات فراہم کرنے سے کیا۔مختلف محکموں کے سینئر اَفسران نے جامع پرزنٹیشنوںکی ایک سیریز میں سکیموں کے دائرہ کار اور اہمیت پر روشنی ڈالی۔ دیہی آبادی کو بااِختیار بنانے اور ان کے ذریعہ معاش کو بڑھانے میں ان اقدامات کی تبدیلی کی صلاحیت پر کلیدی زور دیا گیا۔وزیر موصوف نے اَپنے خطاب میںزراعت کو جدید بنانے کے لئے جامع زرعی ترقیاتی پروگرام(ایچ اے ڈی پی)،سولر اَنرجی کو اَپنانے کو فروغ دینے کے لئے پی ایم سوریہ گھر اور ہنر سازی اور اَنٹرپرینیورشپ کے ذریعے نوجوانوں کو بااِختیار بنانے کے لئے مشن یووا کی تبدیلی کی صلاحیت پر روشنی ڈالی۔جاوید احمد ڈارنے کسانوں، نوجوانوں اور مقامی رہنماؤں سمیت تمام شراکت داروں پر زور دیا کہ وہ خطے کے معاشی منظر نامے کو تبدیل کرنے کی صلاحیت پر زور دیتے ہوئے اِن سکیموں میں بڑھ چڑھ کر حصہ لیں ۔ضلع ترقیاتی کمشنر نے جامع زرعی ترقیاتی پروگرام (ایچ اے ڈی پی)، مشن یووا اور پی ایم سوریہ گھر یوجنا کے بارے میں ایک تفصیلی پرزنٹیشن پیش کی اور اِس بات پر زور دیا کہ کس طرح یہ سکیمیں زراعت، نوجوانوں کو بااِختیار بنانے اور قابل تجدید توانائی کو اَپنانے میں اہم چیلنجوں سے نمٹنے کے لئے تیار کی گئی ہیں۔بعد میں وزیرموصوف اور ضلع ترقیاتی کمشنر نے جامع زرعی ترقیاتی پروگرام ( ایچ اے ڈِی پی) اور مختلف دیگر سکیموں کے تحت فائدہ اُٹھانے والوں کو ٹریکٹر، جڑی بوٹی اور دیگر زرعی مشینری کی چابیاں حوالے کیں۔
